సినీ ఇండస్ట్రీలో మరో విషాదం.. ప్రముఖ సంగీత దర్శకుడు ఏఆర్ రెహమాన్‏కి మాతృవియోగం..

సినీ ఇండస్ట్రీలో మరో విషాదం నెలకొంది. ప్రముఖ సంగీత దర్శకుడు ఏఆర్ రెహమాన్‏కు మాతృవియోగం జరిగింది. గత కొంత కాలంగా అనారోగ్యంతో భాదపడుతున్న రెహమాన్ తల్లి కరీమా బేగం చెన్నైలోని ఓ ప్రైవేట్ ఆసుపత్రిలో చికిత్స పొందుతున్నారు. కాగా సోమవారం కరీమా బేగం కన్నుమూశారు. దీంతో రెహమాన్ కుటుంబంలో తీవ్ర దుఃఖంలో మునిగిపోయింది. కాగా కరీమా బేగం భర్త ఆర్‏కే శేఖర్ రెహమాన్ తొమిదేళ్ళ వయసులోనే మరణించారు. కరీమా బేగం, శేఖర్ దంపతులకు నలుగురు సంతానం. వీరిలో రెహమాన్ చిన్నవాడు. రెహమన్ తల్లి ఆత్మకు శాంతి చేకూరాలని పలువురు ప్రముఖలు ప్రార్థిస్తున్నారు. 2020లో వరుస విషాదాలు సినీ ఇండస్ట్రీని వెంటాడుతున్నాయి.