Bus Accident: విజ్ఞాన యాత్రకు వెళ్తున్న విద్యార్థుల స్కూల్ బస్సులు బోల్తా..15 మంది మృతి.. పదుల సంఖ్యలో క్షతగాత్రులు..
ఈ ప్రమాదం తర్వాత అధికార యంత్రాంగం అప్రమత్తమైంది. ఎస్‌డిఆర్‌ఎఫ్, వైద్యబృందం సంఘటనా స్థలానికి చేరుకుని సహాయక చర్యలు చేపట్టారు.
Updated on: Dec 21, 2022 | 4:06 PM
విద్యార్థులతో వెళ్తున్న రెండు స్కూల్ బస్సులు అదుపు తప్పి బోల్తా పడ్డాయి. ఈ ప్రమాదంలో 15 మంది విద్యార్థులు మృతి చెందడం ఆందోళన కలిగిస్తోంది. అదే సమయంలో పెద్ద సంఖ్యలో విద్యార్థులు గాయపడ్డారు. ఈ దుర్ఘటన మణిపూర్‌లోని నోనీ జిల్లాలో చోటు చేసుకుంది. మణిపూర్‌లోని నోనీ జిల్లా నుంచి స్కూల్ బస్సు ప్రమాదంలో పలువురు విద్యార్థులు మృతి చెందిన షాకింగ్ న్యూస్‌ వచ్చింది. ఇక్కడ విద్యార్థులతో వెళ్తున్న రెండు స్కూల్ బస్సులు అదుపుతప్పి బోల్తా పడ్డాయి. ఈ ప్రమాదంలో 15 మంది విద్యార్థులు మృత్యువాతపడ్డారు. అదే సమయంలో పెద్ద సంఖ్యలో విద్యార్థులు గాయపడ్డారు. నోని జిల్లాలోని బిష్ణుపూర్ ఖైపూర్ రోడ్డులో ఈ ప్రమాదం జరిగింది. విద్యార్థులను తీసుకెళ్తున్న రెండు బస్సులు తంబలను హయ్యర్ సెకండరీ స్కూల్‌కు చెందినవిగా గుర్తించారు. విద్యార్థులు స్టడీ టూర్ కోసం ఖోపూమ్‌కు వెళుతున్నామని చెప్పారు.
ఈ ప్రమాదంలో పలువురు విద్యార్థులు తీవ్ర గాయాలతో బయటపడ్డారు. గాయపడిన విద్యార్థులను చికిత్స నిమిత్తం ఇంఫాల్‌లోని మెడిసిటీ ఆసుపత్రిలో చేర్చారు. ఇప్పటి వరకు 20 మందికి పైగా విద్యార్థులు ఆస్పత్రిలో చికిత్స పొందుతున్నారు.. ఈ ప్రమాదంపై మణిపూర్‌ ముఖ్యమంత్రి ఎన్‌ బీరేన్‌సింగ్‌ విచారం వ్యక్తం చేశారు. పాత కచర్ల రోడ్డులో పాఠశాల బస్సులు ప్రమాదానికి గురికావడం బాధాకరమన్నారు.
ఈ ప్రమాదం తర్వాత అధికార యంత్రాంగం అప్రమత్తమైంది. ఎస్‌డిఆర్‌ఎఫ్, వైద్యబృందం సంఘటనా స్థలానికి చేరుకుని సహాయక చర్యలు చేపట్టారు.
