Indian Army: భారత కొత్త ఆర్మీ చీఫ్గా లెఫ్టినెంట్ జనరల్ మనోజ్ పాండేకు ఛాన్స్.. సీడీఎస్ రేసులో నరవాణే!
లెఫ్టినెంట్ జనరల్ మనోజ్ పాండే తదుపరి భారత ఆర్మీ చీఫ్ కావచ్చని తెలుస్తోంది. ఈ నెలాఖరు నాటికి ప్రస్తుత ఆర్మీ చీఫ్ జనరల్ ఎంఎం నరవాణే పదవీ విరమణ చేయనున్నారు
Updated on: Apr 03, 2022 | 9:33 PM
Indian Army Chief: లెఫ్టినెంట్ జనరల్ మనోజ్ పాండే(Lt.Gen.Manoj Pandey) తదుపరి భారత ఆర్మీ చీఫ్ కావచ్చని తెలుస్తోంది. ఈ నెలాఖరు నాటికి ప్రస్తుత ఆర్మీ చీఫ్ జనరల్ ఎంఎం నరవాణే(MM Naravane) పదవీ విరమణ చేయనున్నారు. లెఫ్టినెంట్ జనరల్ మనోజ్ పాండే నరవాణే తర్వాత సైన్యంలో అత్యంత సీనియర్. మరోవైపు చీఫ్ ఆఫ్ డిఫెన్స్ స్టాఫ్ రేసులో నరవాణే పేరు ముందున్నారు. గతేడాది డిసెంబరులో హెలికాప్టర్ ప్రమాదంలో జనరల్ బిపిన్ రావత్ మరణించిన తర్వాత చీఫ్ ఆఫ్ డిఫెన్స్ స్టాఫ్ పదవికి నరవాణే పేరు ప్రముఖంగా వినిపించింది. 8 డిసెంబర్ 2021న, జనరల్ రావత్, అతని భార్య మధులిక సహా 12 మంది సాయుధ సిబ్బంది హెలికాప్టర్ ప్రమాదంలో మరణించిన సంగతి తెలిసిందే.
అయితే, గత మూడు నెలల్లో పదవీ విరమణ చేసిన కొంతమంది టాప్ ఆర్మీ అధికారుల్లో లెఫ్టినెంట్ జనరల్ పాండే నరవాణే తర్వాత ఆర్మీలో అత్యంత సీనియర్. ఆర్మీ ట్రైనింగ్ కమాండ్ (ARTRAC)కి అధిపతిగా ఉన్న ప్రస్తుత లెఫ్టినెంట్ జనరల్ రాజ్ శుక్లా మార్చి 31న పదవీ విరమణ చేశారు. అలాగే, లెఫ్టినెంట్ జనరల్ CP మొహంతి, లెఫ్టినెంట్ జనరల్ YK జోషి కూడా పదవీ విరమణ చేశారు
లెఫ్టినెంట్ జనరల్ సీపీ మొహంతి, లెఫ్టినెంట్ జనరల్ వైకే జోషి జనవరి 31న పదవీ విరమణ చేశారు. ఈ మార్చి నెలాఖరులో బలగాలను కూడా పునర్వ్యవస్థీకరించారు. లెఫ్టినెంట్ జనరల్ SS మహల్ సిమ్లాలోని ARTRAC కమాండ్ని స్వీకరించారు. ఆర్మీ అడ్జటెంట్ జనరల్గా లెఫ్టినెంట్ జనరల్ బన్సీ పొన్నప్ప బాధ్యతలు స్వీకరించారు. లెఫ్టినెంట్ జనరల్ JP మాథ్యూస్ ఉత్తర భారత ప్రాంతానికి జనరల్ ఆఫీసర్ కమాండింగ్గా బాధ్యతలు స్వీకరించారు.
అయితే భారత సైన్యంలోని మూడు విభాగాలను సమన్వయం చేయడానికి CDS పోస్ట్ సృష్టించింది ప్రధాని నరేంద్ర మోడీ ప్రభుత్వం. చీఫ్ ఆఫ్ డిఫెన్స్ స్టాఫ్ పదవి ముగ్గురు ఆర్మీ చీఫ్ల కంటే పైన ఉంటుంది. ఇది మాత్రమే కాదు, ఈ పోస్ట్లో పనిచేసే వ్యక్తి వయస్సు పరిమితి 65 సంవత్సరాలు. జనరల్ బిపిన్ రావత్ కూడా చీఫ్ ఆఫ్ డిఫెన్స్ స్టాఫ్గా మిలటరీ వ్యవహారాల విభాగానికి అధిపతిగా ఉన్నారు. త్రివిధ మిలిటరీ సర్వీసెస్కు సంబంధించిన అడ్మినిస్ట్రేటివ్ వర్క్ చూసుకున్నారు. దేశంలోని అన్ని భద్రతా సంస్థలు, సంస్థలు, సైబర్ కార్యకలాపాల ఆదేశం చీఫ్ ఆఫ్ డిఫెన్స్ స్టాఫ్ చేతుల్లో ఉంటాయి
తూర్పు లడఖ్లో చైనాతో సైనిక ఘర్షణ దాదాపు రెండేళ్లుగా కొనసాగుతోంది. దీని దృష్ట్యా, ఆర్మీ, నేవీ, ఇండియన్ ఎయిర్ ఫోర్స్లను థియేటర్ కమాండ్లలోకి చేర్చడంతోపాటు సేకరణ, ప్రణాళిక, శిక్షణ పరంగా వాటి మధ్య అవసరమైన సినర్జీని సృష్టించడం ప్రస్తుత తరుణంలో ముఖ్యం. ఈ నేపథ్యంలో CDS పోస్ట్కి ముందస్తు నియామకం చాలా అవసరమని రక్షణరంగ నిపుణులు భావిస్తున్నారు. గతంలో జనరల్ రావత్ ఈ మొత్తం ప్రక్రియను ప్రారంభించారు. కానీ అతని అకాల మరణం కారణంగా త్వరగా పూర్తి చేయాల్సిన పని అసంపూర్తిగా మిగిలిపోయింది. కాగా, వీటన్నింటిని తిరిగి గాడిలో పెట్టాలంటే కొత్త సీడీఎస్ నియామకం అత్యవసరమని నిపుణులు అభిప్రాయపడుతున్నారు.
