రష్యాతో చెలిమి.. మాస్కో మిలిటరీ పరేడ్ కి భారత సైనిక బృందం

రెండో ప్రపంచ యుధ్ధంలో రష్యా విజయం సాధించి 75 ఏళ్ళు అయిన సందర్భంగా  రాజధాని మాస్కోలో ఈ నెల 24 న ‘విక్టరీ పరేడ్’ జరగనుంది. ఆ పరేడ్ లో పాల్గొనేందుకుఇండియా నుంచి త్రివిధ దళాలకు చెందిన సైనిక బృందం వెళ్లనుంది. రెండో ప్రపంచ యుధ్ధంలో అమరులైన రష్యన్ సైనికులను,  ఇతర మిత్ర దేశాల సాయుధ దళాలను స్మరించుకుంటూ వారి గౌరవ చిహ్నంగా ఈ మిలిటరీ పరేడ్ ను నిర్వహిస్తున్నారు. విక్టరీ డే (మే 9) ని పురస్కరించుకుని రష్యా అధ్యక్షుడు వ్లాదిమిర్ పుతిన్ కి ప్రధాని మోదీ అభినందన సందేశాన్ని పంపిన విషయం గమనార్హం. రక్షణ మంత్రి రాజ్ నాథ్ సింగ్ కూడా రష్యా రక్షణ మంత్రి సెర్జీ షోగుకి కంగ్రాట్యులేటరీ మెసేజ్ పంపారు. తమ దేశం నిర్వహించనున్న  ఈ పరేడ్ లో పాల్గొనేందుకు ఇండియన్ కంటింజెంట్ ని పంపవలసిందిగా సెర్జీ భారత ప్రభుత్వాన్ని కోరారు. దీంతో 75 మంది సభ్యులతో కూడిన ట్రై సర్వీస్ కంటింజెంట్ ను పంపేందుకు రాజ్ నాథ్ సింగ్ అంగీకరించారు. .