Gateway of India: గేట్వే ఆఫ్ ఇండియా సమీపాన సముద్రంలో ఎగసిపడుతున్న అలలు, అద్భుతమైన వీడియో తప్పక చూడండి..
సముద్రంలో ఆదివారం హై టైడ్ దృశ్యం కనిపించింది. గేట్వే ఆఫ్ ఇండియాను తాకుతూ అలలు ఎగిసిపడుతున్న దృశ్యాలు అలరించాయి. సముద్రంలో బలమైన గాలులతో అలలు ఎగసిపడుతున్నాయి.
Updated on: Jun 12, 2022 | 4:09 PM
ముంబై సముద్రంలో ఆదివారం హై టైడ్ దృశ్యం కనిపించింది. గేట్వే ఆఫ్ ఇండియాను తాకుతూ అలలు ఎగిసిపడుతున్న దృశ్యాలు అలరించాయి. సముద్రంలో బలమైన గాలులతో అలలు ఎగసిపడుతున్నాయి. సముద్రంలో అలల తీవ్ర అధికంగా ఉన్నకారణంగా అధికారులు ప్రజల్ని అప్రమత్తం చేస్తున్నారు. సముద్రతీర ప్రాంత ప్రజలు జాగ్రత్తగా ఉండాలని BMC కోరింది. డిజాస్టర్ మేనేజ్మెంట్ సెల్ విడుదల చేసిన డేటా ప్రకారం..ఈ సంవత్సరం రుతుపవనాలు నాలుగు నెలల్లో ముంబై అరేబియా సముద్రంలో 22 రోజులు అధిక ఆటుపోట్లను కలిగి ఉంటుందన్నారు. అధిక ఆటుపోట్లు జూన్, జూలైలలో ఆరు రోజులు, ఆగస్టు, సెప్టెంబర్లలో ఒక్కొక్కటి ఐదు రోజులు కనిపిస్తాయి. ఏప్రిల్ 19న CSMTలో జిల్లా విపత్తు నిర్వహణ అథారిటీ సమీక్షా సమావేశంలో ఈ విషయం ప్రస్తావనకు వచ్చింది. ఈ సమావేశంలో వర్షాకాలానికి ముందు జరుగుతున్న పనులను పరిశీలించాలని పౌరసరఫరాల శాఖ అధికారులు, ఇతర ఏజెన్సీలను ఆదేశించారు.
నివేదికల ప్రకారం, జూన్ 16 మధ్యాహ్నం 1.35 గంటలకు, జూలై 15 మధ్యాహ్నం 1.22 గంటలకు అత్యధికంగా 4.87 మీటర్ల అలలు వచ్చే అవకాశం ఉంది. భారీ వర్షాలతో లోతట్టు ప్రాంతాలు జలమయమయ్యే అవకాశం ఉన్నందున, 4.5 మీటర్ల కంటే ఎక్కువ అలల స్థాయిలు ప్రమాదకరంగా ఉన్నాయి. ప్రస్తుతం నగరం జూన్ 13-18, జూలై 13-18, ఆగస్టు 11-15, సెప్టెంబర్ 9-13 వరకు సముద్ర మట్టం పెరుగుతుంది.
#WATCH महाराष्ट्र: मुंबई के गेटवे ऑफ इंडिया के पास समुद्र में उच्च ज्वार उठ रहा है। pic.twitter.com/LINYCizsM1
— ANI_HindiNews (@AHindinews) June 12, 2022
గోవా తర్వాత నైరుతి రుతుపవనాలు కూడా జూన్ 11న ముంబైలోకి ప్రవేశించాయి. ఈరోజు ముంబైలో కనిష్ట ఉష్ణోగ్రత 25 డిగ్రీలు, గరిష్ట ఉష్ణోగ్రత 30 డిగ్రీలుగా ఉంటుంది. ఈరోజు కూడా ముంబైలో తేలికపాటి వర్షం కురుస్తుంది.
మరిన్ని జాతీయ వార్తల కోసం ఇక్కడ క్లిక్ చేయండి
