Online Frauds: ఐఫోన్, ఎయిర్‌పాడ్ ఆర్డర్ చేస్తే.. ఆ వస్తువులు డెలివరీ
ఈ- కామర్స్ సిబ్బంది వస్తువులను డెలివరీ చేసే సమయంలో ఘోరమైన తప్పిదాలు జరుగుతున్నాయి. కస్టమర్లకు చేదు అనుభవాలు ఎదురవుతున్నాయి. డెలివరీ యాప్స్‌ నిర్వాకంతో వస్తువులు తారుమార‌వ‌డమే కాకుండా నాసిర‌కం వ‌స్తువులనూ డెలివ‌ర్ చేస్తున్న ఘటనలు అనేకం వెలుగులోకి వస్తున్నాయి. తాజాగా అలాంటి ఘటనే మరోకటి చోటు చేసుకుంది.
ప్రపంచ వ్యాప్తంగా సాంకేతిక పరిజ్ఞానం విచ్చలవిడిగా పెరిగిపోయింది. దాంతో చాలా పనులు సులువుగా మారాయి. ఒకప్పుడు షాపింగ్‌ చేయాలన్నా, ఏదైనా వస్తువు కొనాలన్నా, మార్కెట్ అంతా తిరిగి షాపు, షాపు వెతకాల్సి వచ్చేది. నచ్చిన వస్తువును బేరాలు ఆడి మరీ కొనేవారు. కానీ, పెరిగిపోయిన టెక్నాలజీతో షాపింగ్‌ కూడా ఆన్‌లైన్‌లో అందుబాటులోకి వచ్చేసింది. ఇప్పుడు ఆన్‌లైన్‌ పుణ్యమా అని ఏదీ కొనాలన్నా, షాపింగ్‌ చేయాలన్నా ఆర్డర్ పెడితే చాలు ఇంటి వద్దకే వస్తువులు వచ్చేస్తున్నాయి. అదే సమయంలో ఆన్‌లైన్‌ షాపింగ్‌ చేస్తున్న కస్టమర్లకు అప్పుడప్పుడు ఊహించని ఎదురుపడుతున్నాయి. ఈ- కామర్స్ సిబ్బంది వస్తువులను డెలివరీ చేసే సమయంలో ఘోరమైన తప్పిదాలు జరుగుతున్నాయి. కస్టమర్లకు చేదు అనుభవాలు ఎదురవుతున్నాయి. డెలివరీ యాప్స్‌ నిర్వాకంతో వస్తువులు తారుమార‌వ‌డమే కాకుండా నాసిర‌కం వ‌స్తువులనూ డెలివ‌ర్ చేస్తున్న ఘటనలు అనేకం వెలుగులోకి వస్తున్నాయి. తాజాగా అలాంటి ఘటనే మరోకటి చోటు చేసుకుంది.
అమెజాన్, ఫ్లిప్‌కార్ట్ వంటి ప్రసిద్ధ ఇ-కామర్స్ వెబ్‌సైట్‌లలో ఐఫోన్‌ను ఆర్డర్ చేసిన వారికి సబ్బు డెలివరీ అయిన సందర్భాలు కూడా ఉన్నాయి. ఇప్పుడు అలాంటిదే మరో ఉదంతం వెలుగులోకి వచ్చింది. ఈ సారి iPhone, AirPodలను ఆర్డర్ చేసిన కస్టమర్లకు Amazon డెలివరీ ఏజెంట్ ఏం ఇచ్చాడో తెలిస్తే మీరు నిజంగా షాక్ అవుతారు. ఐఫోన్లు, ఎయిర్‌పాడ్‌లను ఆర్డర్ చేసిన వ్యక్తికి అమెజాన్ డెలివరీ ఏజెంట్ డమ్మీ ఐఫోన్, ఎయిర్‌పాడ్‌లను డెలివరీ చేశాడు. ఈ ఘటన దేశ రాజధాని ఢిల్లీలోని గురుగ్రామ్‌లో చోటు చేసుకుంది. ఈ విషయమై పోలీస్ స్టేషన్‌లో కేసు నమోదైంది.
నిజానికి, ఇక్కడ ఒక కస్టమర్ ప్రముఖ ఇ-కామర్స్ వెబ్‌సైట్ అమెజాన్ నుండి iPhone, AirPodలను ఆర్డర్ చేసాడు. ఒక అమెజాన్ డెలివరీ ఏజెంట్ ఆ పార్శిల్‌లోని ఐఫోన్, ఎయిర్‌పాడ్‌లను మార్చి డమ్మీ ఫోన్‌తో కస్టమర్‌కు పార్శిల్ డెలివరీ చేశాడు. లలిత్ అనే డెలివరీ ఏజెంట్‌కి పంపిన ఐఫోన్లు, ఎయిర్‌పాడ్‌ల పార్శిల్‌ను అమెజాన్ నుండి రవి ఆర్డర్ చేశాడు. మార్చి 27న లలిత్ రవి తన కస్టమర్లకు పది ఐఫోన్లు, ఎయిర్‌పాడ్‌లను డెలివరీ చేశాడు. కానీ తర్వాత రవి కస్టమర్‌ని సంప్రదించలేనని చెప్పి ఆర్డర్‌ను రద్దు చేశాడు.
ఇంతలో నిందితుడు లలిత్ పార్శిల్‌లో ఐఫోన్‌లకు బదులుగా తన డమ్మీ ఫోన్‌లను పంపాడు. లలిత్ డెలివరీ చేసిన పార్శిల్‌ను పార్శిల్ కంపెనీ తనిఖీ చేయగా.. అందులో ట్యాంపరింగ్‌ జరిగినట్లు తేలింది. పార్శిల్‌ను ఓపెన్ చేయగా అందులో నిజమైన ఐఫోన్‌లకు బదులుగా వాటి డమ్మీ ఫోన్‌లు ఉన్నట్లు గుర్తించారు.
ఈ కేసుకు సంబంధించి, డెలివరీ ఏజెంట్ లలిత్‌పై, చీటింగ్‌ కేసు నమోదు చేశారు గురుగ్రామ్ పోలీసులు. ఇంకా పలు సెక్షన్ల కింద క్రిమినల్ కేసులు నమోదు చేశారు. ప్రస్తుతం లలిత్ పరారీలో ఉండడంతో పోలీసులు అతడి కోసం గాలిస్తున్నారు.
మరిన్ని జాతీయ వార్తల కోసం ఇక్కడ క్లిక్ చేయండి..
