Delhi Robbery: ఢిల్లీలో సినీ ఫక్కీలో రాబరీ.. పట్టపగలే తెగబడ్డ గ్యాంగ్.. వీడియో షేర్ చేసిన సీఎం..

Delhi Robbery

దేశ రాజధాని ఢిల్లీలో పట్టపగలే దొంగలు రెచ్చిపోయారు. సినీ ఫక్కీలో దోపిడీకి పాల్పడ్డారు. ప్రగతి మైదాన్ సొరంగంలో కారు ఆపి, గన్స్‌ బెదిరించి చోరీకి పాల్పడ్డారు నలుగురు దుండగులు. ఈ ఘటన మొత్తం అక్కడి సీసీ కెమెరాలో రికార్డ్ అయ్యింది. ప్రగతి మైదాన్ టన్నెల్ నుంచి కారు వస్తుండగా.. రెండు బైక్‌లపై వచ్చిన దుండగులు అడ్డగించారు. తుపాకీతో కారులోని వారిని బెదిరించి, కారులో ఉన్న రూ. 2 లక్షల క్యాష్ బ్యాగ్‌‌ను ఎత్తుకెళ్లారు దుండగులు. 20 సెకన్ల వ్యవధిలోనే ఈ చోరీ జరిగింది.

అయితే, ఈ చోరీ ఘటన అంతా అక్కడే ఉన్న సీసీ కెమెరాలో రికార్డ్ అవగా.. ఆ వీడియో వైరల్ అవుతోంది. వీడియోను ఢిల్లీ సీఎం అరవింద్ కేజ్రీవాల్ ట్విట్టర్‌లో పోస్ట్ చేశారు. లెఫ్టినెంట్ గవర్నర్ రాజీనామా చేయాలని డిమాండ్ చేశారు. ప్రజలకు రక్షణ కల్పించే సామర్థ్యం గల మరొకరిని ఎల్జీగా నియమించాలన్నారు. శాంతిభద్రతలను పరిరక్షించడం కేంద్రానికి చేతకాకపోతే ఆ బాధ్యతను ఢిల్లీ సర్కారుకు అప్పగించాలని డిమాండ్ చేశారు.

మరిన్ని జాతీయ వార్తల కోసం ఈ లింక్ క్లిక్ చేయండి..