Rahul Gandhi: ఆ కేసులో కోర్టుకు రావల్సిన అవసరం లేదు.. రాహుల్ గాంధీకి పాట్నా హైకోర్టులో భారీ ఉపశమనం..
కాంగ్రెస్ అధినేత రాహుల్ గాంధీకి బీహార్‌లోని పాట్నా హైకోర్టు నుంచి ఊరట లభించింది. మోదీ ఇంటిపేరును ఉపయోగించారనే ఆరోపణలపై సూరత్ కోర్టు రెండేళ్ల శిక్ష విధించిన సంగతి తెలిసిందే. అయితే 2023 మే 15 వరకు హైకోర్టు స్టే విధించింది. ప్రస్తుతానికి పాట్నాలోని దిగువ కోర్టుకు హాజరు కావాల్సిన అవసరం లేదని పాట్నా హైకోర్టు తేల్చింది.
మోదీ ఇంటిపేరుపై కాంగ్రెస్ అధినేత రాహుల్ గాంధీ వేసిన పిటిషన్‌పై పాట్నా హైకోర్టులో ఈరోజు విచారణ జరిగింది. దిగువ కోర్టు ఆదేశాలను మే 15, 2023 వరకు నిషేధిస్తూ ప్రస్తుతానికి రాహుల్ గాంధీకి కోర్టు రిలీఫ్ ఇచ్చింది. రాహుల్ గాంధీ పిటిషన్‌ను జస్టిస్ సందీప్ కుమార్ ధర్మాసనం విచారించింది. పాట్నా దిగువ కోర్టు తన వాదనను సమర్పించడానికి ఏప్రిల్ 25, 2023న కోర్టుకు హాజరు కావాలని కోరింది. దిగువ కోర్టు ఇచ్చిన ఆ ఉత్తర్వులను సవాల్ చేస్తూ రాహుల్ గాంధీ పిటిషన్ దాఖలు చేశారు. కోర్టు రాహుల్ అభ్యర్థనను అంగీకరించి అతనికి ఉపశమనం ఇచ్చింది. ఇప్పుడు రాహుల్ పాట్నా దిగువ కోర్టుకు హాజరు కావాల్సిన అవసరం లేదు. ఈ అంశంపై తదుపరి విచారణ మే 15, 2023న జరుగుతుంది.
విశేషమేంటంటే, 2019లో కర్ణాటకలో మోదీ ఇంటిపేరుపై ఆయన వ్యాఖ్యానించారు. ఈ కేసులో బీహార్‌కు చెందిన సీనియర్ బీజేపీ నాయకుడు, ఆ రాష్ట్ర మాజీ ఉప ముఖ్యమంత్రి సుశీల్ మోదీ పాట్నాలోని సివిల్ కోర్టులో పిటీషన్ దాఖలు చేశారు. ఈ కేసులో సూరత్ కోర్టు రాహుల్ గాంధీకి ఇప్పటికే రెండేళ్ల శిక్ష విధించింది. దీని కారణంగా రాహుల్ తన పార్లమెంటు సభ్యత్వాన్ని కోల్పోవాల్సి వచ్చింది. ఇప్పుడు ఈ విషయమై పాట్నా కోర్టు నుంచి ఉపశమనం పొందాడు.
2019లో ఈ కేసు నమోదు చేస్తూ రాహుల్ గాంధీ మోదీ వర్గాన్ని దొంగలు అంటూ అవమానించారని సుశీల్ కుమార్ మోదీ ఆరోపించారు. ఈ కేసులో కాంగ్రెస్ నేత కోర్టులో లొంగిపోయి బెయిల్ పొందారు. ఈ కేసులో సుశీల్ కుమార్ మోదీ సహా ఐదుగురు సాక్షులు ఉన్నారు. ఈ కేసులో చివరి వాంగ్మూలం నమోదు చేసిన వ్యక్తి సుశీల్ మోదీ. అయితే, దిగువ కోర్టు ఇచ్చిన ఈ ఉత్తర్వుపై హైకోర్టు స్టే విధించింది. దీని కారణంగా రాహుల్ గాంధీ ఏప్రిల్ 25న పాట్నాలోని కోర్టుకు హాజరుకానవసరం లేదని తెలిపింది.
మరిన్ని జాతీయ వార్తల కోసం