Pamela Goswami BJP: కేసులో నన్ను అన్యాయంగా ఇరికించారు, నేరం ‘ఆయనదే’, బెంగాల్ బీజేపీ యువ మోర్చా నేత పమేలా గోస్వామి
కోల్ కతా లో 100 గ్రాముల నిషిద్ధ కొకైన్ తీసుకువెళ్తూ పోలీసులకు పట్టుబడిన బీజేపీ యువ మోర్చా నేత పమేలా గోస్వామి ఇందులో తన నేరం లేదని చెబుతోంది..
Pamela Goswami BJP: కోల్ కతా లో 100 గ్రాముల నిషిద్ధ కొకైన్ తీసుకువెళ్తూ పోలీసులకు పట్టుబడిన బీజేపీ యువ మోర్చా నేత పమేలా గోస్వామి ఇందులో తన నేరం లేదని చెబుతోంది. తనను అన్యాయంగా ఈ కేసులో ఇరికించారని అంటోంది. పోలీసులు ఆమెను కోర్టుకు తీసుకువెళ్తుండగా.. తమ పార్టీ జాతీయ కార్యదర్శి కైలాష్ విజయ్ వర్గీయ సహచరుడు రాకేష్ సింగ్ కి డ్రగ్స్ కేసుతో సంబంధం ఉందని ఆమె ఆరోపించింది. ఆయన తనపై కుట్ర చేశాడని, తన పర్సులో ఈ డ్రగ్ ను ఉంచాలంటూ ఓ వ్యక్తిని పంపాడని ఆరోపించింది. ఈ మొత్తం వ్యవహారంపై సీఐడీ చేత దర్యాప్తు జరిపించాలని ఆమె డిమాండ్ చేసింది. బెంగాల్ లో కైలాష్ విజయ్ వర్గీయ బీజేపీ ఇన్-ఛార్జ్ గా వ్యవహరిస్తున్నారు. కాగా… రాకేష్ సింగ్ ని అరెస్టు చేయాలనీ, నన్ను కేసులో ఇరికించాలన్నదే అతని అభిమతమని పమేలా దుయ్యబట్టింది. కానీ కోర్టులో మాత్రం ఆమె ఈ ఆరోపణలు చేయలేదు.
పమేలా గోస్వామికి ఈ నెల 25 వరకు పోలీసు రిమాండ్ విధించారు. తన ఫ్రెండ్, కొల్లీగ్ ప్రబీర్ కుమార్ డే తో బాటు ఈమె శనివారం ఓ కేఫ్ కు వెళ్తుండగా పోలీసులు ఈమెను అరెస్ట్ చేశారు. కొన్ని రోజులుగా ఈ ఇద్దరిపై వారు నిఘా పెట్టారు. లోగడ ఎయిర్ హోస్టెస్ గా, మోడల్ గా పని చేసిన ఈమె కొన్ని టీవీ సీరియల్స్ లో కూడా నటించింది.
Also Read:
Air India flight: ఎయిర్ ఇండియా విమానం ప్రమాదంపై ముమ్మర దర్యాప్తు.. కమిటీ ఏర్పాటు.. కారణం ఇదే..