Viral News: బరాత్ రోజు బుల్లెట్ కావాల్సిందే అని మొండిగా ప‌ట్టుపట్టిన వరుడు.. దిమ్మ‌తిరిగే షాక్ ఇచ్చిన వధువు!
వరకట్నం సమాజంలో ఇదో పెద్ద జాఢ్యం. ఎన్ని అవ‌గాహ‌న కార్య‌క్ర‌మాలు నిర్వ‌హించినా.. ప‌లు ప్రాంతాల్లో మ‌నుషులు మార‌డం లేదు. చ‌దువుకున్న కుటుంబాలు...
Ram Naramaneni | Edited By: Sanjay Kasula
Updated on: May 29, 2021 | 11:03 PM
వరకట్నం సమాజంలో ఇదో పెద్ద జాఢ్యం. ఎన్ని అవ‌గాహ‌న కార్య‌క్ర‌మాలు నిర్వ‌హించినా.. ప‌లు ప్రాంతాల్లో మ‌నుషులు మార‌డం లేదు. చ‌దువుకున్న కుటుంబాలు కూడా ఈ వ‌ర‌క‌ట్నాన్ని డిమాండ్ చేయడం అనాగ‌రికం. వరకట్నం కారణంగా పీటల దాకా వచ్చి ఆగిపోయిన పెళ్లిల్లు ఎన్నో ఉన్నాయి. అలాంటి సంఘటనే మూపీలోని బరేలీలో జరిగింది. అయితే.. ఇక్కడ కట్నం అడిగిన వరుడికి పెళ్లి కూతురే ఊహించని షాకిచ్చింది. కట్నం కోసం పట్టుబట్టిన అతనితో తనకు పెళ్లి వద్దని ఖ‌రాఖండీగా చెప్పింది.
అస‌లేం జ‌రిగిందంటే…
పర్తాపుర్ చౌధరీ గ్రామానికి చెందిన ఖలీల్ ఖాన్ కూతురు కుల్సుమ్కు జీషన్ ఖాన్తో పెళ్లిని నిశ్చ‌యించారు పెద్ద‌లు. ఫిబ్రవరిలో వారి ఎంగేజ్‌మెంట్ జరిగిన సమయంలో వరకట్నానికి సంబంధించి ఎలాంటి ప్రతిపాదన లేదు. రెండు రోజుల క్రితం బరాత్ పెట్టుకోగా, దానికోసం త‌మ ఆర్థిక ప‌రిస్థితికి తగ్గట్టుగా ఏర్పాట్లు చేశారు ఖలీల్ ఖాన్. త‌మ‌కు ఉన్నంత‌లో కట్నకానుకలు కూడా సిద్ధం చేశారు. అయితే ఆకస్మికంగా ల‌గ్జ‌రీ బైకు డిమాండ్ చేశాడు వరుడు. లాక్డౌన్ అయినందున తక్షణం కొనుగోలు చేయడం కుద‌ర‌ద‌ని చెప్పగా.. బుల్లెట్ ధర రూ.2.30లక్షలు అయినా ఇవ్వాల‌ని మంకు పట్టుబట్టాడు. అప్పటికప్పుడు ఆ మొత్తాన్ని ఏర్పాటు చేయగలిగారు ఖలీల్. కానీ, కాసేపటికే ఆయ‌న‌కు అనారోగ్య స‌మ‌స్య‌లు త‌లెత్తాయి. దీంతో అతిథులందరి ముందే ఆ పెళ్లి చేసుకోనని తెగేసి చెప్పింది వధువు. తండ్రి సహా ఎవరు ఎంత చెప్పినా వినలేదు. చివరకు వారి పెళ్లి రద్దు అయ్యింది.
Also Read: ఓ ఇంట్లో 8 పాము గుడ్లు కంట‌ప‌డ్డాయి.. ఇతడు అక్క‌డికి వెళ్లి, ఏం చేశాడంటే…
నాగుపాముకి నోటితో ఆక్సిజన్.. కొనఊపిరితో ఉన్న స‌ర్పానికి మళ్లీ ప్రాణం పోసిన వ్య‌క్తి
