Viral Video: కత్తులతో భజరంగ్ దళ్ సభ్యుల డ్యాన్సులు.. చర్యలు తీసుకుంటామన్న పోలీసులు.. వీడియో వైరల్..

Bajrang Dal: కర్ణాటకలోని బెళగావి జిల్లాలో రోడ్డు మధ్యలో బజరంగ్ దళ్ కార్యకర్తలు కత్తులతో డ్యాన్స్ చేస్తున్న వీడియో సోషల్ మీడియాలో వైరల్‌గా మారింది.

Viral Video: కత్తులతో భజరంగ్ దళ్ సభ్యుల డ్యాన్సులు.. చర్యలు తీసుకుంటామన్న పోలీసులు.. వీడియో వైరల్..
Bajrang Dal

Bajrang Dal: కర్ణాటకలోని బెళగావి జిల్లాలో రోడ్డు మధ్యలో బజరంగ్ దళ్ కార్యకర్తలు కత్తులతో డ్యాన్స్ చేస్తున్న వీడియో సోషల్ మీడియాలో వైరల్‌గా మారింది. ఈ వీడియో వైరల్ అయిన అనంతరం కర్ణాటక పోలీసులు స్పందించారు. నిబంధనలు ఉల్లంఘించిన వారిపై చర్యలు తీసుకుంటామంటూ బెళగవి పోలీసు అధికారి తెలిపారు. అక్టోబర్ 13న బుధవారం ఆయుధ పూజ సందర్భంగా ఈ ఊరేగింపు జరిగినట్లు సమాచారం. ఊరేగింపులో భజరంగ్ దళ్ సభ్యులెవరూ కోవిడ్ -19 ప్రోటోకాల్‌ పాటించలేదు. మాస్కులు ధరించలేదు..భౌతిక దూరం పాటించలేదు. ఈ వీడియో వైరల్ అయిన తరువాత పలువురు నెటిజన్లు.. ట్విట్టర్‌లో కర్ణాటక ప్రభుత్వంపై విమర్శలు చేస్తున్నారు. కరోనా విజృంభిస్తోందని.. దీంతోపాటు నడిరోడ్డుపై కత్తులతో డ్యాన్సులు చేయడం ఎంటంటూ ప్రశ్నిస్తున్నారు. ఇలా చేసిన వారిపై చర్యలు తీసుకోవాలంటూ నెటిజన్లు డిమాండ్ చేశారు.

కాగా.. ఈ వీడియో వైరల్ అయిన అనంతరం బెళగవి డిప్యూటీ కమిషనర్ ఎంజి హిరేమథ్ స్పందించారు. దీనిపై ప్రస్తుతం దర్యాప్తు చేస్తున్నామని.. ఆ తర్వాత తగిన చర్యలు తీసుకుంటామంటూ హిరేమథ్ తెలిపారు. ఆయుధ పూజ సందర్భంగా భజరంగ్ దళ్ సభ్యులు పీరన్‌వాడిలో ఊరేగింపు నిర్వహించారు. డీజే పాటకు అనుగుణంగా భజరంగ్ సభ్యులు కత్తులతో నృత్యం చేస్తున్నారు. అయితే.. ఈ కార్యక్రమం పోలీసు భద్రతా నడుమ జరిగిందని.. కోవిడ్ నిబంధనలు ఉన్నప్పటికీ ఎవరూ పాటించలేదని నెటిజన్లు ఆగ్రహం వ్యక్తంచేస్తున్నారు. ప్రస్తుతం నెట్టింట వైరల్ అవుతున్న వీడియోను మీరు కూడా చూడండి..

ట్విట్టర్‌లో నెటిజన్ షేర్ చేసిన వీడియో..

Also Read:

Mysterious Death: బిస్కెట్లు, చిప్స్ తిని కుప్పకూలిన ముగ్గురు అక్కాచెల్లెళ్లు.. 24 గంటల వ్యవధిలో ఒకరి తర్వాత ఒకరు..

Midnight Horror: తల్లి నిద్రపోయిన కాసేపటికే.. కవలల దుర్మరణం.. అర్ధరాత్రి 25వ అంతస్థు పైనుంచి పడి..

 

Click on your DTH Provider to Add TV9 Telugu