Indian Railways: త్వరలో మరో వంద ప్రయాణీకుల రైళ్ళు పట్టాలు ఎక్కుతాయి.. రైల్వే బోర్డు చైర్మన్ సీఈఓ సునిత్ శర్మ
Indian Railways: దేశంలో ప్రస్తుతం 889 రైళ్లు నడుస్తున్నాయని, వచ్చే 5 నుంచి 6 రోజుల్లో మరో 100 రైళ్లను నడపాలని యోచిస్తున్నట్లు రైల్వే బోర్డు చైర్మన్, సీఈఓ సునిత్ శర్మ మంగళవారం ఆన్‌లైన్ విలేకరుల సమావేశంలో తెలిపారు.
Indian Railways: దేశంలో ప్రస్తుతం 889 రైళ్లు నడుస్తున్నాయని, వచ్చే 5 నుంచి 6 రోజుల్లో మరో 100 రైళ్లను నడపాలని యోచిస్తున్నట్లు రైల్వే బోర్డు చైర్మన్, సీఈఓ సునిత్ శర్మ మంగళవారం ఆన్‌లైన్ విలేకరుల సమావేశంలో తెలిపారు. సరుకు రవాణాలో రికార్డు సృష్టించడానికి సంబంధించిన గణాంకాలతో విలేకరుల సమావేశం ప్రారంభించిన ఆయన, సరుకు రవాణాలో భారతీయ రైల్వే రికార్డు సృష్టించిందని వెల్లడించారు. బొగ్గు రవాణాలో 47 శాతం, ఇనుప రవాణాలో 70.9 శాతం, సిమెంట్, క్లింకర్‌లో 110 శాతం, కంటైనర్ రవాణాలో 38.2 శాతం వృద్ధి జరిగిందని ఆయన చెప్పారు. ఇది కాకుండా, తాము నిరంతరం ఆహార ధాన్యాలలో రికార్డు సేవలు అందిస్తున్నామని తెలిపారు.
ప్రయాణికుల కోసం నిరంతరం నడుస్తున్న రైళ్లు
దేశంలో 889 ప్రత్యేక రైళ్లు ప్రయాణీకుల కోసం నడుస్తున్నాయని రైల్వే బోర్డు ఛైర్మన్ తెలిపారు. ప్రయాణికుల అవసరానికి అనుగుణంగా రైలు సర్వీసులను పెంచుతున్నామన్నారు. మే, జూన్ నెలల్లో తాము చాలా రైళ్లను నడిపామన్నారు. సెంట్రల్ రైల్వేలో 197, వెస్ట్రన్ రైల్వేలో 154, నార్తరన్ రైల్వేలో 38 రైళ్లు నడుస్తున్నాయని ఆయన చెప్పారు.
5 నుండి 6 రోజుల్లో 100 కొత్త రైళ్లు
అన్ని రైల్వే రైళ్లు ఎప్పుడు ట్రాక్‌లోకి వస్తాయి, ఇతర సేవలు ఎప్పుడు పునరుద్ధరించబడతాయి అనే ప్రశ్నకు సమాధానంగా, కరోనా యొక్క రెండవ వేవ్ ముందు, మేము నిరంతరం రైలు సేవలను పెంచుకుంటూ వెళ్ళాము. ఒక సమయంలో 1500 రైళ్లకు చేరుకున్నాము. ఏప్రిల్‌లో దేశంలో 1500 రైళ్లు నడుస్తున్నాయి. కానీ, కరోనా ఉధృతి పరిమితుల కారణంగా, రైళ్లను తగ్గించాల్సి వచ్చింది. ప్రస్తుతం 889 రైళ్లు నడుస్తున్నాయి, వచ్చే 5 నుంచి 6 రోజుల్లో 100 కొత్త రైళ్లను నడపాలని యోచిస్తున్నాము. మీల్స్ ఆన్ వీల్స్, ఐఆర్‌సిటిసి ఫుడ్ ద్వారా ప్రయాణికులకు ఆహారాన్ని అందిస్తున్నట్లు తెలిపారు. ఈ సందర్భంగా మీడియా అడిగిన పలు ప్రశ్నలకు ఆయన ఈవిధంగా సమాధానం ఇచ్చారు.
స్వల్ప దూర ప్రత్యేక రైళ్లలో రైల్వే స్టాండ్ ఏమిటి?
ఉత్తరప్రదేశ్, బీహార్‌లకు గరిష్టంగా రైళ్లు నడుస్తున్నాయని చైర్మన్ సునీత్ శర్మ తెలిపారు. ఫ్లెక్సీ ఛార్జీలతో స్వల్ప దూర రైళ్లను కూడా నిరంతరం సమీక్షిస్తున్నాం. డిమాండ్లు మరియు పరిమితుల్లో సడలింపు ఆధారంగా రైళ్లు నడుస్తాయి.
వందే భారత్ ఎక్స్‌ప్రెస్ ఇతర మార్గాల్లో కూడా నడుస్తుందా?
వందే భారత్ రైళ్లకు టెండర్లు చేసినట్లు సునీత్ శర్మ తెలిపారు. ఈ ఏడాది జనవరిలో 44 వందే భారత్ రైళ్లకు టెండర్ ఇచ్చారు. దాని ఉత్పత్తి పనులు ప్రారంభమయ్యాయి. డిసెంబర్ – మార్చి మధ్య ఉత్పత్తి ప్రారంభమవుతుంది. అయితే, మార్గాలు ఇంకా ఖరారు కాలేదు.
ప్రైవేట్ రైళ్లకు సంబంధించి ప్రణాళిక ఏమిటి?
దేశంలో ప్రైవేట్ రైళ్లకు సంబంధించిన ప్రశ్నకు సమాధానంగా బోర్డు ఛైర్మన్ మాట్లాడుతూ ప్రైవేట్ రైళ్లను నడిపే దిశలో పనులు జరుగుతున్నాయి. ఇందుకోసం జూన్ చివరిలో టెండర్లు తెరుస్తామని చెప్పారు. ప్రైవేట్ రైళ్లను నడిపే ప్రక్రియ పురోగతి సాధించింది. ఇది కాకుండా, ముంబై-హైదరాబాద్ బుల్లెట్ రైలు ప్రాజెక్ట్ ప్రశ్నపై, ఈ ప్రాజెక్ట్ ఇంకా మంజూరు కాలేదని తెలిపారు.
ఆక్సిజన్ ఎక్స్‌ప్రెస్ దేశంలోని ప్రతి ప్రాంతానికి సేవలు అందిస్తోంది..
ఆక్సిజన్ ఎక్స్‌ప్రెస్‌కు సంబంధించి రైల్వే బోర్డు చైర్మన్ మాట్లాడుతూ మహారాష్ట్రలో 126 మెట్రిక్ టన్నుల ద్రవ వైద్య ఆక్సిజన్‌ను పంపిణీ చేయడంతో 44 రోజుల క్రితం ఏప్రిల్ 24 న భారత రైల్వే తన పనిని ప్రారంభించింది. ఆక్సిజన్‌ను అభ్యర్థించే రాష్ట్రాలకు సాధ్యమైనంత ఎక్కువ ఆక్సిజన్‌ను అందించడం భారత రైల్వే ప్రయత్నం. భారత రైల్వే అన్ని అడ్డంకులను అధిగమించి, వినూత్న పరిష్కారాలను రూపొందించి దేశంలోని వివిధ రాష్ట్రాలకు లిక్విడ్ మెడికల్ ఆక్సిజన్ (ఎల్‌ఎంఓ) ను నిరంతరాయంగా అందిస్తూనే ఉంది.