బెంగాల్ లో సిక్కుకు అవమానం, పంజాబ్ సీఎం ఆగ్రహం

పశ్చిమ బెంగాల్ లోని హౌరాలో బీజేపీ ర్యాలీ సందర్భంగా ఓ సిక్కు యువకుని తలపాగాను పోలీసులు లాగివేయడాన్ని పంజాబ్ ముఖ్యమంత్రి అమరేందర్ సింగ్ తీవ్రంగా ఖండించారు. ఇది మతపరమైన సెంటిమెంట్గ్లను బాధించడమేనన్నారు. పిస్టల్ ను కలిగి ఉన్న ఆ సిక్కును పోలీసులు అరెస్టు చేయబోగా ఆ వ్యక్తి ప్రతిఘటించి వారిపై ఎదురుదాడికి దిగాడు. ఈ క్రమంలో ఓ పోలీసు అతని తలపాగాను లాగిపారేశాడు. ఈ వీడియో వైరల్ అయింది. కాగా ఆ సంబంధిత పోలీసుపై కఠిన చర్యలు తీసుకోవాలని అమరేందర్ సింగ్ బెంగాల్ ముఖ్యమంత్రి మమతా బెనర్జీని కోరుతూ ట్వీట్ చేశారు. అయితే ఎవరి సెంటిమెంటునూ బాధించాలన్న ఉద్దేశం తమకు లేదని, జరిగిన పెనుగులాటలో ఆ సిక్కు తలపాగా ఊడి కింద పడిపోయిందని బెంగాల్ పోలీసులు క్లారిటీ ఇచ్చారు.