Omicron: ఒమిక్రాన్ టెస్టింగ్ కోసం మార్కెట్లోకి కొత్త RT-PCR కిట్.. 45 నిమిషాల్లోనే ఫలితం.. ఆమోదించిన ఐసీఎంఆర్
కొత్త RT-PCR కిట్ Omicron వేరియంట్ను కచ్చితంగా గుర్తిస్తుందంట. ఇండియన్ కౌన్సిల్ ఆఫ్ మెడికల్ రీసెర్చ్ (ICMR) చెన్నై నుంచి కొత్త RT-PCR కిట్ను ఆమోదించింది. ఈ కిట్ కేవలం 45 నిమిషాల్లో..
Updated on: Feb 03, 2022 | 11:55 AM
Omicron: ప్రస్తుతం ఒమిక్రాన్ వేరియంట్ను గుర్తించడానికి జీనోమ్ సీక్వెన్సింగ్ పరీక్ష జరుగుతుంది. అయితే నమూనా తీసుకోవడం నుంచి నివేదిక వరకు ప్రక్రియ కనీసం 5-7 రోజులు పడుతుంది. అది పూర్తి చేయడానికి దాదాపు రూ. 5 వేలు ఖర్చు అవుతుంది. కానీ, ఇక నుంచి ఇలాంటి ఎదురుచూపులకు స్వస్తి పలకవచ్చని తెలుస్తోంది. ఎందుకంటే కొత్త RT-PCR కిట్ ఒమిక్రాన్(Omicron) వేరియంట్ను కచ్చితంగా గుర్తిస్తుందంట. ఇండియన్ కౌన్సిల్ ఆఫ్ మెడికల్ రీసెర్చ్ (ICMR) చెన్నై నుంచి కొత్త RT-PCR కిట్ను ఆమోదించింది. ఈ కిట్ కేవలం 45 నిమిషాల్లో డెల్టా, ఒమిక్రాన్తో సహా కరోనా(Coronavirus) అన్ని వేరియంట్లను గుర్తించడంలో విజయవంతం అయినట్లు ప్రకటించారు. దీని పేరు క్రివిడా నోవస్ కిట్(KRIVIDA Novus RT-PCR) కిట్గా వ్యవహరించనున్నారు.
ఒమిక్రాన్ ఇన్ఫెక్షన్ ఉందో లేదో ఎలా తెలుస్తుంది?
ImmuGenix బయోసైన్స్ వ్యవస్థాపకుడు, డైరెక్టర్, కిట్ తయారీదారు అయిన డాక్టర్ నవీన్ కుమార్ వెంకటేశన్ ప్రకారం, క్రివిడా నోవస్ కిట్ S-Gene టార్గెట్ ఫెయిల్యూర్ స్ట్రాటజీ ద్వారా Omicron వేరియంట్ను గుర్తిస్తుంది. కిట్ ఒమిక్రాన్ (B.1.1.529) BA.1, BA.2, BA.3 అన్ని ఉప-వేరియంట్లను కూడా గుర్తించగలదు.
S-Gene Target Failure Strategy అంటే ఏమిటి?
వైరస్లో ఉన్న ఎస్-జీన్ ద్వారా మాత్రమే ఒమిక్రాన్ గుర్తిస్తుంది. చాలా మంది శాస్త్రవేత్తలు ఒమిక్రాన్లో ఎస్-జీన్ లేదని పేర్కొన్నారు. ఒక వ్యక్తి వారి నమూనాలో S-జీన్ను కోల్పోయినట్లయితే, వారు Omicron వ్యాధి బారిన పడ్డట్లేనని వారు తెలిపారు. S-జీన్ నమూనాలో ఉంది. రిపోర్టులో కరోనా పాజిటివ్గా ఉంది. కరోనా మరొక రూపాంతరం ఇన్ఫెక్షన్ ఉందని దీని అర్థం. క్రివిడా నోవస్ RT-PCR సంబంధిత S-జన్యువు, 5 విభిన్న జన్యువులను గుర్తిస్తుంది. ImmuGenix బయోసైన్స్ సహకారంతో ఈ కిట్ తయారు చేసినట్లు తెలిపారు.
పాత RT-PCR కిట్లో ఎన్ని వేరియంట్లను కనుగొనేందుకు వీలుంది
క్రియా మెడికల్ టెక్నాలజీ రీసెర్చ్ అండ్ డెవలప్మెంట్ హెడ్ డాక్టర్ షణ్ముగప్రియ ప్రకారం, కొత్త RT-PCR కిట్ నాలుగు SARS-CoV-2 జన్యువులను, ఒక మానవ జన్యువును గుర్తించింది. అన్ని పాత RT-PCR కిట్లు SARS-COV-2 మూడు జన్యువులను గుర్తించనున్నాయి.
కొత్త కిట్తో టెస్టింగ్లో మార్పులు?
ఇప్పటి వరకు పాత కిట్తో చేసిన పరీక్షనే ఈ కిట్తో కూడా చేయవచ్చని డాక్టర్ వెంకటేశన్ తెలిపారు. నమూనా కోసం, మీరు ముక్కు లేదా గొంతు నుంచి శ్లేష్మాన్ని తీసుకొని కిట్ సహాయంతో పరీక్షించవచ్చు. కాగా, ఈ కొత్త కిట్ ఇప్పటివరకు మార్కెట్లో విక్రయిస్తున్న అన్ని RT-PCR కిట్లతో పోలిస్తే తక్కువ ధరకే అందుబాటులోకి వచ్చే అవకాశం ఉంది.
Also Read: Corona: కరోనాని ఓడిస్తున్న Zycov-D.. మూడు డోసులకి కేవలం ఎంతంటే..?
