రికార్డులు తిరగరాస్తోన్న ‘మాస్టర్’ టీజర్… దళపతి, విజయ్ సేతుపతిల క్రేజ్‌కు ఇదే నిదర్శనం..

Master Teaser: దళపతి విజయ్, మక్కల్ సెల్వన్ విజయ్ సేతుపతి ప్రధాన పాత్రల్లో తెరకెక్కిన చిత్రం ‘మాస్టర్’. లోకేష్ కనగరాజ్ దర్శకత్వం వహిస్తున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. మాములుగా విజయ్ మూవీ అంటేనే ఫ్యాన్స్‌లో క్రేజ్ విపరీతంగా ఉంటుంది. ఈ చిత్రంలో విజయ్‌తో పాటు మక్కల్ సెల్వన్ విజయ్ సేతుపతి కూడా విలన్‌గా నటిస్తుండటంతో ఇంతకముందు లేనంతగా తారస్థాయిలో చేరుకున్నాయి.

ఇక నిన్న దీపావళి కానుకగా విడుదలైన ఈ చిత్ర టీజర్ గత రికార్డులన్నీ కూడా తిరగరాస్తోంది. వ్యూస్ పరంగానే కాకుండా లైక్స్ విషయంలో కూడా అటు దళపతి.. ఇటు మక్కల్ సెల్వన్ ఫ్యాన్స్‌ సెన్సేషనల్ రికార్డులు నెలకొల్పుతున్నారు. ఇంకా 24 గంటలు పూర్తి కాకముందే 16 మిలియన్ వ్యూస్ దాటడంతో పాటు 1.7 మిలియన్ లైక్స్‌తో ఆల్‌టైం రికార్డు నెలకొల్పింది. మొత్తానికి యూట్యూబ్‌లో మాస్టర్ టీజర్ బీభత్సం మాములుగా లేదు. ఈ చిత్రానికి అనిరుధ్‌ రవిచంద్రన్ సంగీతాన్ని అందిస్తుండగా.. మాళవిక మోహనన్ హీరోయిన్‌గా నటిస్తోంది. కాగా, వచ్చే ఏడాది ఈ చిత్రం ప్రేక్షకుల ముందుకు రానుంది.

Also Read: ‘అమ్మోరు తల్లి’… దొంగ బాబా బెదుర్స్.. కామెడీ అదుర్స్.. మంచి ప్రయత్నం..