Lemon Water: నిమ్మకాయ నీళ్లతో ఎన్ని బెనిఫిట్సో తెలిస్తే షాక్ అవుతారు!
నిమ్మకాయ గురించి స్పెషల్గా పరిచయాలు అవసరం లేదు. అందరికీ ఈ దీని గురించి తెలుసు. నిమ్మ కాయ కూడా నిత్యవసర వస్తువుగా చెప్పొచ్చు. వంటలు చేసేటప్పుడే కాకుండా.. కిచెన్ క్లీనింగ్, ఇంటిని శుభ్రం చేయడంలో కూడా నిమ్మకాయను విరివిగా ఉపయోగిస్తూ ఉంటారు. నిమ్మకాయలో ఎన్నో రకాల పోషకాలు ఉంటాయి. ముఖ్యంగా విటమిన్ సి అనేది ఎక్కువగా లభిస్తుంది. ఇందులో 60 శాతం వరకూ నీరే ఉంటుంది. చాలా మందికి నిమ్మకాయ నీళ్లు తాగే అలవాటు..
నిమ్మకాయ గురించి స్పెషల్గా పరిచయాలు అవసరం లేదు. అందరికీ ఈ దీని గురించి తెలుసు. నిమ్మ కాయ కూడా నిత్యవసర వస్తువుగా చెప్పొచ్చు. వంటలు చేసేటప్పుడే కాకుండా.. కిచెన్ క్లీనింగ్, ఇంటిని శుభ్రం చేయడంలో కూడా నిమ్మకాయను విరివిగా ఉపయోగిస్తూ ఉంటారు. నిమ్మకాయలో ఎన్నో రకాల పోషకాలు ఉంటాయి. ముఖ్యంగా విటమిన్ సి అనేది ఎక్కువగా లభిస్తుంది. ఇందులో 60 శాతం వరకూ నీరే ఉంటుంది. చాలా మందికి నిమ్మకాయ నీళ్లు తాగే అలవాటు ఉంది. నిమ్మకాయ వాటర్ తాగడం వల్ల చాలా రకాల ఆరోగ్య ప్రయోజనాలు ఉన్నాయి. నిమ్మకాయ గురించి, దీని ఉపయోగం గురించి ఎంత చెప్పినా తక్కువే. నిమ్మ కాయ నీళ్లు తాగితే ఎలాంటి ప్రయోజనాలు ఉన్నాయో ఇప్పుడు తెలుసుకుందాం.
చర్మం ఫ్రెష్గా ఉంటుంది:
చర్మానికి సంబంధించి ఎలాంటి సమస్యలు ఉన్నా నిమ్మకాయతో చెక్ పెట్టొచ్చు. చాలా రకాల బ్యూటీ ప్రాడెక్ట్స్లో నిమ్మకాయను ఉపయోగిస్తూ ఉంటారు. ఇందులో విటమిన్ సి, యాంటీ ఆక్సిడెంట్లు మెండుగా ఉంటాయి. ఇది చర్మానికి తాజాదనం తీసుకు రావడమే కాకుండా.. చర్మ కాంతిని మెరుగు పరుస్తుంది. విటమిన్ సి.. చర్మ కొల్లాజెన్ను బలోపేతం చేసి చర్మాన్ని ఉత్తేజితంగా చేస్తుంది. అయితే నేరుగా ఎప్పుడూ నిమ్మ రసాన్ని చర్మంపై రాయకూడదు.
రోగ నిరోధక శక్తిని పెంచుతుంది:
అలసటగా, నీరసంగా ఉండేవాళ్లు నిమ్మ రసం తాగడం వల్ల మంచి ప్రయోజనాలు ఉన్నాయి. తక్షణమే ఎనర్జీ లెవల్స్ ను కూడా పెంచుతుంది. శరీరంలో ఇమ్యూనిటీ లెవల్స్ను పెంచి.. బ్యాక్టీరియా, ఇన్ ఫెక్షన్లతో పోరాడే శక్తిని ఇస్తుంది. నిమ్మ రసం తరచూ తాగితే.. సీజనల్ వ్యాధులు దరి చేరకుండా ఉంటాయి.
జీర్ణ సమస్యలు మాయం:
నిమ్మకాయలో ఉండే సిట్రిక్ యాసిడ్.. ఆహారం త్వరగా జీర్ణం అయ్యేలా చేస్తుంది. మలబద్ధకం సమస్యకు కూడా చెక్ పెడుతుంది. అంతే కాకుండా గుండెల్లో మంట, గ్యాస్, అసిడిటీ సమస్యలు, త్రేన్పులు, కడుపులో ఉబ్బరం వంటి సమస్యలు ఉన్నవారు.. నిమ్మ రసం తాగితే చాలా ఉపశమనంగా ఉంటుంది.
రక్తంలో చక్కెర స్థాయిని తగ్గిస్తుంది:
నిమ్మరసంలో విటమిన్ సి అనేది మెండుగా ఉంటుంది. ఇది రక్తంలో గ్లూకోజ్ స్థాయిలను నియంత్రించడంలో బాగా సహాయ పడుతుంది. డయాబెటీస్తో బాధ పడేవారు నిమ్మ రసం తాగితే మంచి ఫలితం కనిపిస్తుంది.
వెయిట్ లాస్:
బరువు తగ్గాలి అనుకునే వారు.. ప్రతి రోజూ ఉదయం పరగడుపున గోరు వెచ్చటి నీళ్లలో నిమ్మరసం కలిపి తాగితే మంచి ప్రయోజనం ఉంటుంది.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)