వాస్తు ప్రకారం ఫ్యామిలీ ఫోటోలు ఇంట్లో ఎక్కడ ఉండాలి..? శుభ, అశుభ దిశలపై పూర్తి వివరాలు మీకోసం..!
వాస్తు శాస్త్రం ప్రకారం ఇంటిలో శక్తి సమతుల్యత సాధించడానికి కొన్ని ముఖ్యమైన నియమాలు పాటించడం అవసరం. ఇంట్లోని వస్తువులు, ఫోటోలు సరిగ్గా ఉంచినట్లయితే సానుకూల శక్తి ప్రవహిస్తుంది. కుటుంబ సభ్యుల చిత్రాలు ఇంట్లో పెట్టే విధానాన్ని కూడా వాస్తు శాస్త్రం సూచిస్తోంది.
ఇంట్లోని ప్రతి వస్తువు శక్తిని ప్రభావితం చేసేలా ఉంటుంది. ముఖ్యంగా కుటుంబ సభ్యుల చిత్రాలు ఇంట్లో సానుకూలత తీసుకురావడంలో ఎంతో ముఖ్యమైన పాత్ర పోషిస్తాయి. వీటిని సరైన ప్రదేశంలో ఉంచితే కుటుంబంలో ఐక్యత, ఆనందం పెరుగుతాయి. కానీ తప్పు స్థానంలో ఉంచితే ప్రతికూల ప్రభావాలు ఎదురవచ్చు.
కుటుంబ సభ్యుల ఫోటోలు కేవలం అలంకరణ కోసం మాత్రమే కాకుండా మన కుటుంబ సంబంధాలను బలపరిచే మాధ్యమంగా పనిచేస్తాయి. ఇది కుటుంబ ఐక్యతను అనుబంధాన్ని గుర్తుచేస్తాయి. వాస్తు ప్రకారం వీటిని సరైన ప్రదేశంలో ఉంచడం వల్ల కుటుంబ సభ్యుల మధ్య సంబంధాలు మరింత మెరుగవుతాయి. వాస్తు ప్రకారం ఫ్యామిలీ ఫోటోల కోసం ఉత్తమ దిశల గురించి ఇప్పుడు తెలుసుకుందాం.
మెయిన్ ఎంట్రెన్స్
ఇంటి ముఖద్వారానికి ఎదురుగా కుటుంబ చిత్రాలను ఉంచడం వలన ఇంట్లోకి మంచి శక్తి ప్రవేశిస్తుంది. ఇది అతిథులను స్వాగతించే శక్తిని పెంచుతుంది. అయితే ఎప్పుడూ ముఖద్వారానికి బహిరంగంగా ఉండేలా కాకుండా ఇంటి లోపల హాలులో ఉంచడం ఉత్తమం.
లివింగ్ రూమ్
లివింగ్ రూమ్‌లో కుటుంబ సభ్యుల ఫోటోలను ఉత్తరం లేదా తూర్పు దిశలో ఉంచడం ఉత్తమం. ఇది కుటుంబ సభ్యుల మధ్య అనుబంధాన్ని పెంపొందించడంలో సహాయపడుతుంది. కుటుంబం సమిష్టిగా ఉండేందుకు ఇది మంచి శక్తిని తీసుకువస్తుంది.
డైనింగ్ ఏరియా
డైనింగ్ ఏరియాలో కుటుంబ ఫోటోలను ఉంచడం కుటుంబ సభ్యుల మధ్య అనుబంధాన్ని పెంచుతుందని భావిస్తారు. ఎందుకంటే భోజనం సమయంలో కుటుంబ సభ్యులు కలిసి సమయాన్ని గడపడం వల్ల కుటుంబ సంబంధాలు మరింత బలపడతాయి.
బెడ్ రూమ్
బెడ్‌రూమ్‌లో కుటుంబ ఫోటోలు నైరుతి దిశలో ఉంచడం మంచిది. ముఖ్యంగా భార్య భర్త మధ్య ప్రేమను, విశ్వాసాన్ని పెంపొందించేందుకు ఇది సహాయపడుతుంది. ఈ దిశ శాంతి, స్థిరత్వాన్ని కలిగించేదిగా భావించబడుతుంది.
ఇంట్లో ఉంచకూడని ఫోటోలు
- బాధ, ఒంటరితనం, వివాదాలను సూచించే చిత్రాలు
- కుటుంబ సభ్యులు కన్నుమూసిన ఫోటోలు (ఇవి ప్రత్యేకంగా పూజా గది లేదా జ్ఞాపకార్థ స్థలంలో ఉంచాలి)
- దుఃఖాన్ని లేదా అశుభతను సూచించే చిత్రాలు
ఎల్లప్పుడూ కుటుంబ ఫోటోలను స్వచ్ఛమైన, శుభ్రంగా ఉండే ప్రదేశంలో ఉంచండి. పగిలిన లేదా ఫేడ్ అయిన ఫోటోలను వెంటనే మార్చాలి. కుటుంబ సభ్యులందరూ కలిసి చిరునవ్వుతో ఉన్న ఫోటోలను ఉంచడం మంచిది. వాస్తు నియమాలను పాటించడం ద్వారా ఇంట్లో సానుకూల శక్తిని పెంచుకోవచ్చు. కుటుంబ ఫోటోలను సరైన ప్రదేశంలో ఉంచడం వల్ల కుటుంబానికి శ్రేయస్సు, ఆనందం, ఐక్యత పెరుగుతాయి.