Weight Loss Tips: బరువు తగ్గడానికి పడుకునే ముందు ఈ డ్రింక్స్ తాగండి.. కొవ్వు వెన్నలా కరిగిపోతుంది..
ప్రస్తుత కాలంలో చాలామంది ప్రజలు ఊబకాయం బాధితులుగా మారుతున్నారు. కొందరికి బెల్లీ ఫ్యాట్, మరికొంత మందికి శరీరం మొత్తం భారీగా పెరిగిపోవడం లాంటివి కనిపిస్తున్నాయి.
Updated on: Sep 14, 2022 | 8:37 PM
Weight Loss Tips: ప్రస్తుత కాలంలో చాలామంది ప్రజలు ఊబకాయం బాధితులుగా మారుతున్నారు. కొందరికి బెల్లీ ఫ్యాట్, మరికొంత మందికి శరీరం మొత్తం భారీగా పెరిగిపోవడం లాంటివి కనిపిస్తున్నాయి. ఇది కాకుండా చాలా మంది ఫ్యాటీ లివర్, ఛెస్ట్ ఫ్యాట్ తో ఇబ్బంది పడుతున్నారు. స్థూలకాయం మనిషిలో ఆత్మవిశ్వాసాన్ని తగ్గించడమే కాకుండా అనేక వ్యాధులకు కారణమవుతుంది. అటువంటి పరిస్థితిలో ప్రతి ఒక్కరూ ఫిట్‌గా ఉండాలని కోరుకుంటారు. దీని కోసం మీరు ప్రతిరోజూ రాత్రిపూట కొన్ని పానీయాలు తీసుకోవచ్చు. తద్వారా మీ బరువును సులభంగా తగ్గించవచ్చు. బరువు తగ్గడానికి మీరు ఏ పానీయాలు తీసుకోవాలో ఇప్పుడు తెలుసుకుందాం..
బరువు తగ్గడానికి ఈ డ్రింక్స్ తీసుకోండి..
గ్రీన్ టీ: బరువు తగ్గాలనుకుంటే నిద్రవేళలో గ్రీన్ టీ తాగవచ్చు. గ్రీన్ టీ జీవక్రియను మెరుగుపరచడంలో సహాయపడుతుంది. ఇది ఆహారాన్ని బాగా జీర్ణం చేస్తుంది. బరువును తగ్గించడంలో సహాయపడుతుంది. అందువల్ల మీరు రాత్రి భోజనం చేసిన 2 గంటల తర్వాత గ్రీన్ టీ తాగితే, బరువును సులభంగా తగ్గించుకోవచ్చు.
దాల్చిన చెక్క నీరు: దాల్చిన చెక్క నీరు తాగడం వల్ల బరువు తగ్గుతారు. దీని కోసం ఒక గ్లాసులో నీటిలో దాల్చిన చెక్క ముక్కలను వేసి.. ఈ నీటిని బాగా మరిగించండి.. ఆ తర్వాత గోరువెచ్చగా లేదా చల్లార్చి రాత్రి వేళ ఈ నీటిని తాగాలి. ఇది మీ జీర్ణక్రియను వేగవంతం చేసి బరువు తగ్గడానికి సహాయపడుతుంది. కావాలంటే దీనికి కొంచెం తేనెను కూడా జోడించవచ్చు.
గోరువెచ్చని నీరు: బరువు తగ్గడానికి రాత్రి నిద్రపోయేటప్పుడు గోరువెచ్చని నీటిని తాగవచ్చు. రాత్రిపూట గోరువెచ్చని నీటిని తాగడం వల్ల బరువు తగ్గడంతోపాటు మీ పొట్ట కొవ్వు కూడా తగ్గుతుంది.
మరిన్ని హెల్త్ వార్తల కోసం ఈ లింక్ క్లిక్ చేయండి..
