Healthy Eating: షుగర్ రాకూడదని 10 ఏళ్లుగా అన్నం మానేసింది! ఆ తర్వాత ఏం జరిగిందో చూడండి..
మన భారతీయ భోజనంలో అన్నం లేదా రోటీ లేనిదే ముద్ద దిగదు. కానీ, 34 ఏళ్ల ఆకృతి గోయల్ మాత్రం గత పదేళ్లుగా వీటికి దూరంగా ఉంటున్నారు. ఫలితంగా 20 ఏళ్ల యువతీ యువకుల కంటే తనలో ఎక్కువ శక్తి ఉందని ఆమె చెబుతున్నారు. తన కుటుంబంలో ఉన్న మధుమేహ ముప్పును తప్పించుకోవడానికి ఆమె ఎంచుకున్న ఈ విభిన్నమైన ఆహార మార్గం ఏంటో, అది ఆమె ఆరోగ్యాన్ని ఎలా మెరుగుపరిచిందో చూద్దాం.
ఇంజనీరింగ్ నుండి ఎంబీబీఎస్ వరకు.. ఆకృతి గోయల్ ప్రయాణం ఎంత స్ఫూర్తిదాయకమో, ఆమె ఫిట్నెస్ సీక్రెట్ కూడా అంత ఆశ్చర్యకరంగా ఉంటుంది. అన్నం, గోధుమలకు బదులుగా కేవలం పప్పులతో చేసిన పదార్థాలని తన ప్రధాన ఆహారంగా మార్చుకున్నారామె. భోజనం తర్వాత వచ్చే బద్ధకాన్ని వదిలించుకుని, రోజంతా చురుగ్గా ఉండాలనుకునే వారు ఆకృతి అనుసరిస్తున్న ఈ డైట్ ప్లాన్ గురించి ఖచ్చితంగా తెలుసుకోవాలి.
అన్నం, రోటీలను ఎందుకు మానేశారు? ఆకృతి కుటుంబంలో అందరికీ మధుమేహం ఉండటంతో, తనకు ఆ వ్యాధి రాకుండా ముందుగానే జాగ్రత్త పడాలని నిర్ణయించుకున్నారు. అన్నం గోధుమలలో గ్లైసెమిక్ ఇండెక్స్ (Glycemic Index) ఎక్కువగా ఉంటుంది, ఇది రక్తంలో చక్కెర స్థాయిలను ఒక్కసారిగా పెంచుతుంది.
ప్రత్యామ్నాయం ఏంటి? గత రెండు ఏళ్లుగా ఆమె ప్రతిరోజూ ముంగ్ దాల్ చిలా (పెసరట్టు) లేదా ఇతర పప్పులతో చేసిన చిలాలను రోటీలకు బదులుగా తీసుకుంటున్నారు. దీనివల్ల ఆమెకు కలిగిన లాభాలు:
మెరుగైన జీర్ణక్రియ: పప్పులు త్వరగా జీర్ణమవుతాయి, దీనివల్ల భోజనం తర్వాత వచ్చే నిద్ర లేదా బద్ధకం (Sluggishness) ఉండదు.
ఎక్కువ ప్రోటీన్: గోధుమలు, అన్నం కంటే పప్పుల్లో ప్రోటీన్ శాతం చాలా ఎక్కువ.
తక్కువ గ్లైసెమిక్ ఇండెక్స్: ఇది రక్తంలో చక్కెర పెరగకుండా నియంత్రిస్తుంది.
స్ట్రెంత్ ట్రైనింగ్: వారానికి 5 రోజులు కండరాల బలానికి సంబంధించిన వ్యాయామాలు చేస్తారు.
క్వాలిటీ ఆఫ్ లైఫ్: వయసు పెరిగే కొద్దీ వ్యాధుల బారిన పడకుండా ఉండాలంటే 30, 40 ఏళ్ల నుండే ఆహారపు అలవాట్లను మార్చుకోవాలని ఆమె సూచిస్తున్నారు.
గమనిక: ఈ కథనంలో అందించిన విషయాలు కేవలం సమాచార ప్రయోజనాల కోసం మాత్రమే. ఇది కేవలం సమాచారం మాత్రమే, దీనికి సంస్థ ఎటువంటి బాధ్యత వహించదు.