శరీరంలోని వేడిని తరమికొట్టే మొనగాడు ఫుడ్ ఇది.. అందరూ చేసే మిస్టెక్ మీరు చేయకండి..

వేసవిలో శరీరాన్ని చల్లగా ఉంచడానికి రాగి జావ ఒక అద్భుతమైన పానీయం. అయితే.. కొన్ని చిట్కాలు పాటిస్తే.. రాగి జావ అంటే ఇష్టం లేని వారు కూడా దీన్ని ఇష్టంగా గ్లాసుల కొద్దీ తాగుతారు. వాస్తవానికి రాగుల్లో ఎన్నో పోషకాలు దాగున్నాయి.. క్యాల్షియం, ఐరన్, ఫైబర్, ప్రోటీన్‌లతో నిండి ఉండిన రాగి జావ.. జీర్ణక్రియను మెరుగుపరుస్తుంది, బరువు తగ్గడానికి, ఎముకలు దృఢంగా ఉండటానికి, రోగనిరోధక శక్తిని పెంచడానికి సహాయపడుతుంది. అంతేకాకుండా, శరీరానికి తక్షణ శక్తిని ఇస్తుంది. అందుకే.. రాగి జావ తప్పనిసరిగా తాగాలని ఆహార నిపుణులు చెబుతున్నారు. అయితే.. కొందరు తెలియక ఎలా పడితే అలా రాగి జావ తయారు చేస్తారు.. దీనివల్ల రుచిగా ఉండదు.. ఇలా చేయడం వల్ల తాగరు.. అయితే.. మేము చెప్పబోయే ఈ విధానంలో తయారు చేసిన రాగి జావ ఎంతో రుచికరంగా, శరీరంలోని వేడిని తగ్గించి, తాజాదనాన్ని అందిస్తుంది.

తయారీ విధానం:

రాగి మిశ్రమం తయారీ:

ముందుగా ఒక మిక్సింగ్ బౌల్ తీసుకుని, పావు కప్పు రాగి పిండిని వేయండి.

అర కప్పు నీళ్లు కొద్దికొద్దిగా పోస్తూ ఉండలు లేకుండా బాగా కలుపుకోవాలి. ఒకేసారి నీళ్లు పోయకుండా కొద్దిగా పోసి కలిపి, ఆపై మిగిలిన నీళ్లు పోసి కలపడం ద్వారా ఉండలు కట్టకుండా చూసుకోవచ్చు.

ఈ మిశ్రమాన్ని పక్కన పెట్టుకోండి.

మరొక గిన్నెలో ఒక కప్పు నీళ్లు పోసి మరిగించండి. నీళ్లు మరగడం ప్రారంభించిన తర్వాత, ముందుగా కలిపి పెట్టుకున్న రాగి పిండి మిశ్రమాన్ని ఒకసారి మళ్లీ బాగా కలిపి మరుగుతున్న నీళ్లలోకి పోయాలి.

ఫ్లేమ్‌ను సిమ్‌లో పెట్టి, రెండు నిమిషాల పాటు ఉడికించండి. ఈ మిశ్రమం చిక్కబడి, ఉడుకుతున్నట్లు అవుతుంది.

రెండు నిమిషాల తర్వాత స్టవ్ ఆఫ్ చేసి, ఈ రాగి జావ మిశ్రమాన్ని పూర్తిగా చల్లారనివ్వాలి. ఇది చాలా ముఖ్యమైన దశ, ఎందుకంటే వేడిగా ఉన్నప్పుడు మజ్జిగలో కలపకూడదు.

మజ్జిగ తయారీ:

ఇప్పుడు మరొక గిన్నె తీసుకుని, అర కప్పు పెరుగు వేయండి.

పెరుగులో ఎక్కడా ఉండలు లేకుండా క్రీమీ టెక్స్చర్ వచ్చేంతవరకు బాగా విస్క్ చేసుకోవాలి. పెరుగు ముద్దలు ముద్దలుగా కనిపించకుండా సాఫ్ట్‌గా మారాలి.

అందులో ఒక కప్పు నీళ్లు పోసి బాగా కలిపితే మజ్జిగ సిద్ధమవుతుంది.

పోపు తయారీ:

ఒక చిన్న తడకా పాన్ లేదా గిన్నెలో ఒక స్పూన్ ఆయిల్ వేయండి.

ఆయిల్ వేడైన తర్వాత కొద్దిగా ఆవాలు, సన్నగా కట్ చేసిన ఒక పచ్చిమిర్చి, రెండు అంగుళాల అల్లాన్ని సన్నగా తురిమి వేయండి.

అలాగే సన్నగా కట్ చేసిన కరివేపాకు కూడా వేయాలి. కరివేపాకును ఆకులు ఆకులుగా కాకుండా ఇలా కట్ చేసి వేయడం వల్ల జావ తాగేటప్పుడు చక్కగా తగులుతూ మంచి రుచిని ఇస్తుంది.

వీటిని మంచి సువాసన వచ్చేవరకు బాగా వేయించి పక్కన పెట్టుకోవాలి.

రాగి జావ కలపడం:

ఒక పెద్ద మిక్సింగ్ బౌల్ తీసుకుని, అందులోకి తయారు చేసి పెట్టుకున్న మజ్జిగను పోయండి.

పూర్తిగా చల్లారిన రాగి పిండి మిశ్రమాన్ని కూడా మజ్జిగలో వేయాలి.

రుచికి సరిపడినంత ఉప్పు వేసి బాగా మిక్స్ చేయండి. జావ చిక్కదనాన్ని బట్టి నీటిని సర్దుబాటు చేసుకోవచ్చు.

ఇప్పుడు తయారు చేసి పెట్టుకున్న పోపు మిశ్రమాన్ని కూడా జావలోకి వేసి బాగా కలపాలి. పచ్చిమిర్చి, అల్లం, కరివేపాకు ఫ్లేవర్లు జావలో బాగా కలిసిపోతాయి.

చివరగా సన్నగా తరిగిన పచ్చి ఉల్లిపాయ ముక్కలు, రుచి కోసం ఒక నిమ్మకాయ రసం (చిన్న కాయ అయితే రెండు చెక్కలు, పెద్ద కాయ అయితే ఒక చెక్క) పిండి బాగా కలపాలి.

కొత్తిమీర చల్లితే, ఎంతో రుచికరమైన, శరీరాన్ని చల్లబరిచే రాగి జావ సిద్ధం.

ఈ ప్రత్యేక పద్ధతిలో తయారు చేసిన రాగి జావను ఒకసారి రుచి చూడండి. ఇది రెగ్యులర్‌గా చేసే దానికంటే చాలా డిఫరెంట్‌గా, రుచికరంగా ఉంటుంది. వేసవిలో ప్రతిరోజు ఒక గ్లాసు రాగి జావ తాగడం వల్ల శరీరం చల్లగా ఉంటుంది, వేడి చేయకుండా కాపాడుతుంది.

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి..