Paneer Pepper Fry: ఫ్రిడ్జ్‌లో పనీర్ ఉంటే చాలు.. 5 నిమిషాల్లో స్పైసీ సైడ్ డిష్ రెడీ..

Paneer Pepper Fry Recipe

ఇంట్లో ఏమీ లేనప్పుడు ఫ్రిడ్జ్ లో ఉన్న పనీర్ తో ఇలాంటి సైడ్ డిష్ చేస్తే టేస్ట్ అదిరిపోతుంది. అంతేకాదు దీనికి మీకు కాంప్లిమెంట్స్ రావడం పక్కా. పెరుగన్నం, సాంబార్ వంటి వాటితో కలిపి తింటే ఈ పన్నీర్ ఫ్రై చాలా రుచిగా ఉంటుంది. ఈ రెసిపీని తయారు చేయడం చాలా సులభం. మరి ఈ రెసిపీ తయారీ విధానం చూసేద్దాం..

కావలసిన పదార్థాలు

పన్నీర్ – 250 గ్రాములు

ఉల్లిపాయలు – 3 (సన్నగా తరిగినవి)

పచ్చిమిరపకాయలు – 2 (చిలికలు)

అల్లం వెల్లుల్లి పేస్ట్ – 1 టేబుల్ స్పూన్

నూనె – కావలసిన పరిమాణం

మిరియాల పొడి – 1½ టీస్పూన్

గరం మసాలా పొడి – 1/4 టీస్పూన్

జీలకర్ర పొడి – 1/4 టీస్పూన్

సోయా సాస్ – 1 టీస్పూన్

టొమాటో సాస్ – 2 టీస్పూన్లు

కరివేపాకు – కొద్దిగా

కొత్తిమీర – అవసరమైన పరిమాణం

ఉప్పు – రుచికి సరిపడా

తయారీ విధానం

పన్నీర్ తయారీ: ముందుగా పన్నీర్‌ను చతురస్రాకారపు ముక్కలుగా కట్ చేసి, వాటిని 30 నిమిషాల పాటు ఉడకబెట్టాలి (లేదా వేడి నీటిలో నానబెట్టాలి). తరువాత నీరు తీసి పక్కన పెట్టుకోవాలి.

ప్రిపరేషన్: ఉల్లిపాయలను సన్నగా, నిలువుగా కట్ చేసుకోవాలి. కొత్తిమీరను కూడా సన్నగా తరిగి పెట్టుకోవాలి.

తాలింపు: స్టవ్ మీద కడాయి పెట్టి, తగినంత నూనె పోసి వేడి చేయండి. నూనె వేడయ్యాక, తరిగిన ఉల్లిపాయలు, పచ్చిమిరపకాయలు, కరివేపాకు వేసి బాగా వేయించాలి.

ఉల్లిపాయలు కొద్దిగా వేగిన తరువాత, అల్లం వెల్లుల్లి పేస్ట్ వేసి, ఆ పచ్చి వాసన పోయే వరకు వేయించండి.

మసాలా మిశ్రమం: అల్లం వెల్లుల్లి పేస్ట్ పచ్చి వాసన పోయిన తర్వాత, అందులో మిరియాల పొడి, గరం మసాలా పొడి, జీలకర్ర పొడి కలిపి, ఆ పచ్చివాసన పోయే వరకు కొద్దిసేపు వేయించుకోవాలి.

సాస్‌లు జోడించడం: ఆ తరువాత సోయా సాస్, టొమాటో సాస్, రుచికి సరిపడా ఉప్పు కొద్దిగా నీళ్లు పోసి మిశ్రమాన్ని బాగా ఉడికించాలి.

పన్నీర్ వేయడం: ఇప్పుడు ముందుగా సిద్ధం చేసుకున్న పన్నీర్ ముక్కలను ఈ మిశ్రమంలో వేసి బాగా కలపాలి. 5 నిమిషాలు వేగనిచ్చి, ఆ నీరు మొత్తం ఇంకిపోయి, ఫ్రై లా తయారయ్యే వరకు ఉడికించాలి.

చివరగా, కొత్తిమీర చల్లి, స్టవ్ మీద నుంచి దించేయండి.

సూపర్ టేస్టీగా ఉండే పన్నీర్ మిరియాల ఫ్రై రెడీ. దీనిని అన్నం, ఇడ్లీ, దోశ లేదా చపాతీతో ఆస్వాదించవచ్చు.