పొరపాటున పండుతోపాటు విత్తనాలు తింటున్నామనుకునేరు..? ఇవి గింజలు కాదు దివ్యాస్త్రాలు..
వేసవిలో శరీరాన్ని ఆరోగ్యంగా ఉంచుకోవాలంటే ప్రతిరోజూ పుచ్చకాయ పండును తినడం మర్చిపోవద్దు.. ఈ విషయాన్ని పదే పదే వైద్య నిపుణులు సూచిస్తుంటారు.. ఎందుకంటే.. పుచ్చకాయలో 90 శాతం నీరు ఉంటుంది.. అందుకే.. ఇది వేసవిలో అమృతఫలంగా పరిగణిస్తారు.
వేసవిలో శరీరాన్ని ఆరోగ్యంగా ఉంచుకోవాలంటే ప్రతిరోజూ పుచ్చకాయ పండును తినడం మర్చిపోవద్దు.. ఈ విషయాన్ని పదే పదే వైద్య నిపుణులు సూచిస్తుంటారు.. ఎందుకంటే.. పుచ్చకాయలో 90 శాతం నీరు ఉంటుంది.. అందుకే.. ఇది వేసవిలో అమృతఫలంగా పరిగణిస్తారు. అయితే.. పుచ్చకాయను గింజలు లేకుండా తినడం ఎల్లప్పుడూ సాధ్యం కాదు.. ఎందుకంటే.. గింజలు ఎక్కువగా ఉంటాయి కావున.. చాలామంది పుచ్చకాయతోపాటు.. గింజలను తింటుంటారు. చాలా సందర్భాలలో 3-4 గింజలు పండుతోపాటు నమిలేస్తారు. ఇలాంటి సమయంలో పుచ్చకాయతో గింజలు తినడం సరైనదేనా? అనే సందేశం కలుగుతుంది. కావున పుచ్చకాయ గింజలు తింటే ఏమవుతుందో ఇప్పుడు తెలుసుకోండి..
పుచ్చకాయ గింజల్లో ప్రోటీన్, మెగ్నీషియం, జింక్, ఐరన్, ఆరోగ్యకరమైన కొవ్వులు ఉంటాయి. ఈ పదార్థాలు శరీరంలోని పోషకాహార లోపాలను పూరించడంతో పాటు బహుళ ప్రయోజనాలను అందిస్తాయి. రోగనిరోధక శక్తిని పెంచుతాయి.. అంతేకాకుండా అనేక వ్యాధుల ప్రమాదాన్ని తగ్గిస్తాయి. పుచ్చకాయ గింజలు తినడం వల్ల కలిగే ప్రయోజనాలేంటో తెలుసుకోండి..
పుచ్చకాయ గింజలు తినడం వల్ల కలిగే ఆరోగ్య ప్రయోజనాలు..
చర్మ ఆరోగ్యాన్ని మెరుగుపరుస్తుంది: పుచ్చకాయ గింజల్లో విటమిన్ సి, యాంటీ ఆక్సిడెంట్లు పుష్కలంగా ఉంటాయి. ఇవి చర్మాన్ని క్లియర్‌గా ఉంచడంలో సహాయపడుతాయి. అలాగే అకాల వృద్ధాప్యాన్ని నివారించడంలో సహాయపడుతుంది. ఇది పొడి చర్మం, దురద సమస్య నుంచి కూడా ఉపశమనం కలిగిస్తాయి. పుచ్చకాయ గింజలు చర్మంపై మాయిశ్చరైజర్‌గా పనిచేస్తాయి.
జుట్టు మూలాలను బలపరుస్తాయి: ప్రోటీన్ నుండి ఐరన్, జింక్, మెగ్నీషియం వరకు, ఈ పదార్థాలు జుట్టు ఆరోగ్యాన్ని మెరుగుపరచడంలో సహాయపడతాయి. పుచ్చకాయ గింజలు జుట్టు రాలడాన్ని తగ్గిస్తాయి. అలాగే జుట్టు దెబ్బతినకుండా కాపాడతాయి.
గుండె ఆరోగ్యాన్ని కాపాడుతాయి: పుచ్చకాయ గింజలు మోనోఅన్‌శాచురేటెడ్, పాలీఅన్‌శాచురేటెడ్ ఫ్యాటీ యాసిడ్‌లను కలిగి ఉంటాయి. ఈ ఆరోగ్యకరమైన కొవ్వులు చెడు కొలెస్ట్రాల్ స్థాయిలను తగ్గిస్తాయి. ఇది గుండెపోటు, స్ట్రోక్ ప్రమాదాన్ని తగ్గిస్తాయి. అంతేకాకుండా పుచ్చకాయ గింజల్లో ఉండే మెగ్నీషియం రక్తపోటును అదుపులో ఉంచుతాయి. ఈ గింజలు శారీరక మంటను తగ్గిస్తాయి.
డయాబెటిస్‌లో ప్రయోజనకరమైనవి: రక్తంలో చక్కెర స్థాయిలు తరచుగా మారుతుండటం.. పెరుగుతుండటం ప్రమాదకరం.. అందుకే మీ ఆహారంలో పుచ్చకాయ గింజలు ఉండేలా చూసుకోండి. మీరు దీన్ని డయాబెటిస్‌లో కూడా తినవచ్చు. పుచ్చకాయ గింజలలోని మెగ్నీషియం కార్బోహైడ్రేట్ల జీవక్రియలో సహాయపడుతుంది. ఇది రక్తంలో చక్కెర స్థాయిలను ప్రభావితం చేస్తుంది. పుచ్చకాయ గింజలు టైప్-2 మధుమేహాన్ని నివారిస్తాయి.
రోగనిరోధక శక్తిని పెంచుతుంది: పుచ్చకాయ గింజల్లో వివిధ ఖనిజాలు పుష్కలంగా ఉంటాయి. ఈ ధాన్యంలో విటమిన్ బి కాంప్లెక్స్ కూడా ఉంటుంది. ఇది శరీరంలో రోగనిరోధక శక్తిని పెంచుతుంది. పుచ్చకాయ గింజలు బోలు ఎముకల వ్యాధి ప్రమాదాన్ని నివారించడంలో సహాయపడతాయి. ఇది నాడీ వ్యవస్థ పనితీరును కూడా చురుకుగా ఉంచుతుంది. పుచ్చకాయ గింజలు పని చేసే శక్తిని పెంచడంతోపాటు జీవక్రియను పెంచుతాయి.
మరిన్ని హెల్త్ వార్తల కోసం ఇక్కడ క్లిక్ చేయండి..