Women’s Health: ఈ విత్తనాలను తీసుకుంటే చాలు.. PCOS సమస్య నుంచి ఉపశమనం ఖాయం..
Women's health: ఈ మధ్య కాలంలో జీవనశైలి, శారీరక శ్రమ లేకపోవడం, ఫాస్ట్‌ఫుడ్‌ని ఎక్కువగా తీసుకోవడం కారణంగా చాలా మంది స్త్రీలు పాలిసిస్టిక్ ఓవేరియన్ సిండ్రోమ్ సమస్యలకు లోనవుతున్నారు. పాలిసిస్టిక్ ఓవేరియన్ సిండ్రోమ్/డిసీస్ (PCOS/PCOD) అనేది స్త్రీలలో కనిపించే ఋతు సమస్య. శరీరంలో..
Women’s health: ఈ మధ్య కాలంలో జీవనశైలి, శారీరక శ్రమ లేకపోవడం, ఫాస్ట్‌ఫుడ్‌ని ఎక్కువగా తీసుకోవడం కారణంగా చాలా మంది స్త్రీలు పాలిసిస్టిక్ ఓవేరియన్ సిండ్రోమ్ సమస్యలకు లోనవుతున్నారు. పాలిసిస్టిక్ ఓవేరియన్ సిండ్రోమ్/డిసీస్ (PCOS/PCOD) అనేది స్త్రీలలో కనిపించే ఋతు సమస్య. శరీరంలో హార్మోన్ల అసమతుల్యత ఉన్నప్పుడే ఇలాంటి బుతు సమస్యలన్నీ పెరుగుతాయి. ముఖ్యంగా కరోనా లాక్‌డౌన్ తర్వాత ఈ సమస్య మరింతగా పెరిగింది. ప్రస్తుతం 60 కంటే ఎక్కువ శాతం మంది మహిళలు పీసీఓఎస్‌ సమస్యతో బాధపడుతున్నారు. ఇక ఈ సమస్యతో బాధపడేవారిలో బరువు పెరగడం. పీరియడ్స్ సక్రమంగా రాకపోవడం, జుట్టు రాలడం, చర్మం గరుకుగా ఉండడం వంటి వ్యాధి లక్షణాలు కనిపిస్తాయి. చాలా సందర్భాలలో హార్మోన్ల అసమతుల్యత ఈ సమస్యకు ప్రధాన కారణం. కొన్ని సందర్భాల్లో ఈ సమస్య జన్యుపరమైనది కూడా అయ్యే అవకాశం ఉంది. ఈ పాలిసిస్టిక్ ఓవేరియన్ సిండ్రోమ్ అనేది ఒక్కసారి ఎదురైతే దానికి విరుగుడు లేదు. అయితే జీవనశైలిని మార్చుకోవడం ద్వారా ఈ సమస్యను నియంత్రించుకోవచ్చు. జీవినశైలి మార్పులు అంటే తినే ఆహారంలో మార్పులు, సరిపడినంత శారీరక శ్రమ వంటివి చేయాలి. ఈ క్రమంలో తీసుకునే ఆహారంపై ఎక్కువ శ్రద్ధ పెట్టాలి. అలాగే కొన్ని రకాల విత్తనాలు పాలిసిస్టిక్ ఓవేరియన్ సిండ్రోమ్ వంటి ఋతు సమస్యలకు చెక్ పెట్టగలవు. మరి ఈ సమస్యను నియంత్రించే విత్తనాలేమిటో ఇప్పుడు తెలుసుకుందాం..
చియా విత్తనాలు: చియా విత్తనంలో 20 శాతం ప్రొటీన్లు, 60 శాతం ఒమేగా త్రీ యాసిడ్లు ఉంటాయి. ఇవి స్త్రీ శరీరంలోని ఈస్ట్రోజన్ స్థాయిలను నియంత్రిస్తాయి, ఇంకా గర్భిణీ స్త్రీల ఆరోగ్యానికి చాలా మేలు చేస్తాయి.
మెంతులు: కొలెస్ట్రాల్, హార్మోన్ నియంత్రణకు మెంతులు సరిగ్గా పనిచేస్తాయి. ఇందులో ఉంబే సపోనిన్లు, ఫ్లేవనాయిడ్లు జీవక్రియ రేటును మెరుగుపరచడంతో పాటు శరీరంలోని హార్మోన్ల సమతుల్యతను నియంత్రిస్తాయి.
గుమ్మడి గింజలు: బీటా-సిటోస్టెరాల్ పుష్కలంగా ఉండే గుమ్మడి గింజలు శరీరంలో టెస్టోస్టెరాన్ స్రావాన్ని నియంత్రిస్తాయి. కొలెస్ట్రాల్ స్థాయిలను కూడా అదుపులో ఉంచుతాయి
అవిసె గింజలు: అవిసె గింజలు శరీరంలోని ఆండ్రోజెన్‌ల పరిమాణాన్ని నియంత్రించి స్త్రీ శరీరంలో హార్మోన్ల స్రావాన్ని తగ్గిస్తాయి.
పొద్దుతిరుగుడు విత్తనాలు: పొద్దుతిరుగుడు విత్తనాలు PCOS నియంత్రణలో సహాయపడతాయి. ఇందులో విటమిన్ ఇ, మెగ్నీషియం, సెలీనియం ప్రొజెస్టెరాన్ స్రావాన్ని నియంత్రించేందుకు ఉపకరిస్తాయి.
గసగసాలు: గసగసాల్లో ఉండే కాల్షియం, మెగ్నీషియం, విటమిన్ బి, జింక్ శరీరంలోని పిసిఒఎస్‌తో పోరాడటానికి సహాయపడతాయి. ఇంకా హర్మోన్ల స్థాయిని నియంత్రిస్తాయి.
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..