Chicken skin omelette: కోడి తోలు ఆమ్లెట్ ఇలా చేసుకుని తింటే.. జన్మలో మర్చిపోరు, ఇదిగో రెసిపీ
కోడి తోలు ఆమ్లెట్ వినడానికి కొత్తగా ఉన్నా.. తింటే రుచికరంగా ఉంటుంది. దీనిని వేడి వేడి అన్నంలో తింటే అబ్బా టేస్ట్ అదిరింది కదా అంటూ ప్లేట్ మొత్తాన్ని వదలకుండా లాగించేస్తారు. మరి, ఇంకెందుకు ఆలస్యం ఈ రెసిపీని చదివి మీరు కూడా ట్రై చేయండి..
మనం ఇప్పటి వరకు ఎగ్, చికెన్, బ్రెడ్ ఇలా రక రకాల పదార్థాలతో ఆమ్లెట్ చేసుకుని తిన్నాము. అయితే, ఈ సారి కొంచం కొత్తగా ట్రై చేద్దాం. అంటే, మీరు ఇప్పటి వరకు ట్రై చేయని రెసిపీ గురించి ఇక్కడ తెలుసుకుందాం..
కావాల్సిన పదార్ధాలు: చికెన్ స్కిన్ 150 గ్రాములు , 2 టేబుల్ స్పూన్స్ నూనె , 2 కోడి గుడ్లు, ఉల్లిపాయ చిన్నది ఒకటి, అర టీ స్పూన్ కారం, అర టీ స్పూన్ పసుపు, ఉప్పు, ధనియాల పొడి, కొత్తిమీర.
కోడి తోలు ఆమ్లెట్ తయారీ విధానం: ముందుగా చికెన్ స్కిన్ ని తీసుకుని శుభ్రంగా కడిగి పెట్టుకోవాలి. ఆ తర్వాత వాటిని ఒక గిన్నెలో వేసుకుని పసుపు, కారం ఉప్పు వేసి కలిసిపోయే వరకు గరెటితో తిప్పి ఈ మిశ్రమాన్ని పక్కకు పెట్టుకోండి.
ఆ తర్వాత స్టవ్ వెలిగించి పాన్ పెట్టి చికెన్ స్కిన్ ను లైట్ గా నూనెలో వేయించండి. ఇలా చేయడం వలన పచ్చిదనం పోతుంది. ఇక ఇప్పుడు ఆ చికెన్ స్కిన్ ను ముందుగా పెట్టుకున్న బౌల్ లో వేసుకుని దానిలో కోడిగుడ్లను కొట్టి ధనియాల పొడ, ఉల్లిపాయ ముక్కలు వేసుకుని కలిసే పోయే వరకు తిప్పుకోవాలి.
ఆ తర్వాత స్టవ్ మీద పాన్ పెట్టి దానిలో 2 టేబుల్ స్పూన్స్ నూనె వేసి గిన్నెలో కలిపిన కోడిగుడ్ల మిశ్రమాన్ని పోయండి. ఆ తర్వాత కొత్తిమీర కొంచం చల్లుకొని మూతపెట్టేయండి. కొద్దీ సేపటి తర్వాత ఆమ్లెట్ ను రెండు వైపులా తిప్పుతూ.. అది కాలిన తర్వాత దానిని ఒక ప్లేట్ లోకి తీసుకోండి. అంతే వేడి వేడి కోడి తోలు ఆమ్లెట్ రెడీ.