Coffee: చలికాలంలో ఏ కాఫీ తాగడం ఆరోగ్యానికి మంచిది.. లైట్ తీసుకుంటే అంతే సంగతులు..

Black Coffee Vs Milk Coffee

చలికాలంలో వేడి వేడి కాఫీ తాగడం వల్ల వచ్చే ఫీలింగ్ అద్భుతంగా ఉంటుంది. చాలా మంది తమ రోజును శక్తినిచ్చే కాఫీతోనే ప్రారంభిస్తారు. అయితే ఈ చలికాలంలో మీరు ఏ రకమైన కాఫీని ఎంచుకోవాలనే దానిపై ఆరోగ్య నిపుణులు ఒక ముఖ్యమైన సలహాలు ఇస్తున్నారు.

పాల కాఫీతో చలికాలంలో సమస్యేంటి?

సాధారణంగా చాలా మంది పాలు కలిపి కాఫీ తాగడానికి ఇష్టపడతారు. కానీ ఆరోగ్య నిపుణుల అభిప్రాయం ప్రకారం.. చలికాలంలో పాలు కలిపిన కాఫీ తాగడం వల్ల దగ్గు, కఫాన్ని పెంచే అవకాశం ఉంది. పాలు శరీరంలో కొద్దిగా మంటను పెంచుతాయి. ఇది గొంతు నొప్పి లేదా చికాకుకు దారితీయవచ్చు. అందుకే శీతాకాలంలో పాల కాఫీని తాగకుండా ఉండాలని సలహా ఇస్తున్నారు.

బ్లాక్ కాఫీతో ప్రయోజనాలు ఇవే

శీతాకాలంలో బ్లాక్ కాఫీ శరీరానికి మరింత ప్రయోజనకరంగా ఉంటుంది.

కఫం తగ్గుదల: బ్లాక్ కాఫీ గొంతులో శ్లేష్మం పెంచదు. పైగా ఇది శరీరానికి వెచ్చదనాన్ని అందించి, దగ్గు పెరగకుండా నిరోధిస్తుంది.

జీర్ణక్రియ- యాంటీఆక్సిడెంట్లు: బ్లాక్ కాఫీ జీర్ణక్రియను మెరుగుపరుస్తుంది. అలాగే, శరీరంలో యాంటీఆక్సిడెంట్ల స్థాయిని పెంచడం ద్వారా రోగనిరోధక శక్తిని బలపరుస్తుంది.

బరువు తగ్గడానికి: మీరు బరువు తగ్గడానికి ప్రయత్నిస్తున్నట్లయితే, బ్లాక్ కాఫీ మంచి ఎంపిక. ఎందుకంటే ఇది కేలరీలు తక్కువగా ఉండటంతో పాటు, జీవక్రియను పెంచడానికి సహాయపడుతుంది.

ఇదే కీలకం

కాఫీ తాగడం ఆనందదాయకంగా ఉన్నప్పటికీ, దాని పరిమాణాన్ని నియంత్రించుకోవడం చాలా ముఖ్యం.

సేఫ్ లిమిట్: రోజుకు ఒకటి నుండి రెండు కప్పుల బ్లాక్ కాఫీ తాగడం పూర్తిగా సురక్షితం, ఆరోగ్యకరమైనది.

ఎక్కువైతే నష్టం: ఎక్కువ కాఫీ తాగడం వల్ల అసిడిటీ, నిద్రలేమి, ఆందోళన వంటి సమస్యలు వస్తాయి.

మీరు చలికాలంలో కాఫీ తాగాలనుకుంటే.. పాల కాఫీ కంటే బ్లాక్ కాఫీని ఎంచుకోవడం ఆరోగ్యకరమైనది. ఇది శరీరాన్ని వెచ్చగా ఉంచుతుంది. బరువు నియంత్రణలో సహాయపడుతుంది. గొంతు సమస్యలను కూడా నివారిస్తుంది. కానీ పరిమిత పరిమాణంలో మాత్రమే తీసుకోవాలని గుర్తుంచుకోండి.

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి..