అక్షయ తృతీయ పర్వదినం..! బంగారం కొనుగోలుపై నియమాలేంటో తెలుసా..?
ఆరోజు స్వర్ణం కొంటే అన్నిరకాలుగా శుభం జరుగుతుందని చాలామంది విశ్వసిస్తుంటారు. అందుకే, ఎంతో కొంత బంగారాన్ని కొనిపెట్టుకుంటున్నారు. ఆ నమ్మకాన్నే కంటిన్యూ చేస్తూ... జ్యుయలరీ షాపులకు క్యూ కట్టారు జనాలు. అందుకు తగ్గట్టే వెరైటీ డిజైన్లతో... కళ్లు జిగేలుమనే సరుకుతో.. సిద్ధంగా ఉన్నారు గోల్డ్ షాప్ నిర్వాహకులు. అయితే, అక్షయతృతీయ నాడు బంగారం కొనాలని శాస్త్రంలో ఉందా?
Updated on: Apr 22, 2023 | 8:34 AM
అక్షయ తృతీయ.. ఈ పేరు వినగానే చాలామందికి బంగారం గుర్తొస్తుంది. ఆరోజు స్వర్ణం కొంటే అన్నిరకాలుగా శుభం జరుగుతుందని చాలామంది విశ్వసిస్తుంటారు. అందుకే, ఎంతో కొంత బంగారాన్ని కొనిపెట్టుకుంటున్నారు. ఆ నమ్మకాన్నే కంటిన్యూ చేస్తూ… జ్యుయలరీ షాపులకు క్యూ కట్టారు జనాలు. అందుకు తగ్గట్టే వెరైటీ డిజైన్లతో… కళ్లు జిగేలుమనే సరుకుతో.. సిద్ధంగా ఉన్నారు గోల్డ్ షాప్ నిర్వాహకులు. అయితే, అక్షయతృతీయ నాడు బంగారం కొనాలని శాస్త్రంలో ఉందా? అంటే .. అలాంటి ఎక్కడా లేదంటున్నారు కొందరు సిద్ధాంతులు. అక్షయ తృతీయ మంచి రోజే అయినప్పటికీ.. ఆరోజున స్వర్ణం కొనుగోలు చేయాలన్న నియమమేమీ లేదంటున్నారు. ఇదంతా వ్యాపారం పెరగడానికి కొందరు చేస్తున్న ప్రచారమేనని కొట్టిపారేస్తున్నారు.
నిజానికి, అక్షయ తృతీయ నాడు… తోచినంత దానధర్మాలు చేయాలన్నది మరికొందరు విశ్లేషకులు చెబుతున్న మాట. పూర్వకాలంలో డబ్బున్న వారు.. బంగారాన్ని దానం చేసే వారనీ… అదేంటో ఇప్పుడు మాత్రం బంగారాన్ని కొనుగోలు చేసి దాచుకుంటున్నారంటున్నారనీ ఆశ్చర్యం వ్యక్తం చేస్తున్నారు. దానం చేయాలో, కొని దాచి పెట్టుకోవాలో… ఈ రెండింట్లో ఏది కరెక్టనే విషయంలో స్పష్టత లేకున్నా, అక్షయ తృతీయ సందర్భంగా బంగారుదుకాణాలు మాత్రం దగదగలాడుతున్నాయి. కస్టమర్లతో కిటకిటలాడుతున్నాయి.
వాస్తవానికి, అక్షయ తృతీయ రోజున మంగళకర కార్యాలు చేయడం, కొనుగోళ్లు చేయడం శుభమని చాలామంది భావిస్తుంటారు. అంతేకాకుండా అక్షయ తృతీయ నాడు దానధర్మాలు చేయడం వల్ల కూడా అక్షయ పుణ్యఫలం లభిస్తుందని భావిస్తుంటారు. అక్షయ తృతీయ నాడు లక్ష్మీ దేవీ పూజ కూడా చేపడతారు.
మరిన్ని లైఫ్ స్టైల్ న్యూస్ కోసం..
