డెస్క్‌ జాబ్‌ చేస్తున్నారా? కూర్చున్న చోటే ఈ సింపుల్‌ స్ట్రెచెస్ అలవాటు చేసుకోండి.. ఆరోగ్యంగా ఉంటారు!

Desk Exercises

కంప్యూటర్ల ముందు గంటల తరబడి కూర్చుని పని చేయడం వల్ల చాలా మంది మెడ నరాలు పట్టేయడం, భుజాల నొప్పితో బాధపడుతుంటారు. దీనిని నివారించేందుకు పని మధ్యలో చిన్నపాటి విరామం తీసుకుని కొన్ని స్ట్రెచెస్ (Stretches) చేయడం అవసరం అంటున్నారు ఆరోగ్య నిపుణులు. రోజంతా డెస్క్ జాబ్ చేసే వారిలో సర్వసాధారణంగా కనిపించే మెడ, భుజాల నొప్పుల (Neck & Shoulder Pain) నుండి ఉపశమనం పొందేందుకు కొన్ని సులభమైన వ్యాయామాలు ఇక్కడ ఉన్నాయి. క్రమం తప్పకుండా ఈ స్ట్రెచెస్ చేయడం వల్ల దీర్ఘకాలిక నొప్పుల నుండి ఉపశమనం పొందవచ్చని ఆరోగ్య నిపుణులు చెబుతున్నారు.

ఆఫీసులో చేసే 5 సులభమైన వ్యాయామాలు:

1. నెక్‌ స్ట్రెచ్ (Neck Stretch):
మెడను నెమ్మదిగా కుడి వైపుకు, ఆపై ఎడమ వైపుకు వంచండి. ప్రతి వైపు 10-15 సెకన్ల పాటు అలాగే ఉంచాలి. ఇది మెడ కండరాలను ఫ్లెక్సిబుల్‌గా ఉంచుతుంది.

2. షోల్డర్ ష్రగ్స్ (Shoulder Shrugs):
భుజాలను వీలైనంత వరకు పైకి (చెవుల దగ్గరకు) ఎత్తి, ఆపై ఒక్కసారిగా వదిలేయాలి. ఇలా 5-10 సార్లు చేయడం వల్ల భుజాలపై ఉన్న ఒత్తిడి తగ్గుతుంది.

3. సీటెడ్ ట్విస్ట్ (Seated Twist):
కుర్చీలో కూర్చున్నప్పుడే వెనుకకు తిరిగి కుర్చీ అంచును పట్టుకుని శరీరాన్ని ట్విస్ట్ చేయాలి. ఇది వెన్నునొప్పికి మరియు వెన్నెముక ఆరోగ్యానికి చాలా మంచిది.

4. ఆర్మ్ స్ట్రెచెస్ (Arm Stretches):
చేతులను ముందుకు చాపి వేళ్లను వెనుకకు లాగడం లేదా చేతులను పైకి ఎత్తి స్ట్రెచ్ చేయడం వల్ల భుజాల నుండి మణికట్టు వరకు ఉన్న నరాలు ఫ్రీ అవుతాయి.

5. చెస్ట్ ఓపెనర్ (Chest Opener):
రెండు చేతులను వెనుకకు తీసుకెళ్లి వేళ్లను ఒకదానితో ఒకటి కలిపి గట్టిగా లాగాలి. ఇది డెస్క్ జాబ్ వల్ల ముందుకు వంగిపోయే భుజాలను (Slouched Shoulders) సరిచేయడానికి సహాయపడుతుంది.

వరుసగా గంటల తరబడి కూర్చోకుండా ప్రతి 45 నిమిషాలకు ఒకసారి లేచి 2 నిమిషాలు నడవడం వల్ల కూడా శరీరం చురుగ్గా ఉంటుంది. డెస్క్‌ జాబ్‌ చేసే వారు ఎక్కువగా మానసిక సమస్యలతో ఇబ్బంది పడుతుంటారు. ముఖ్యంగా ఒత్తిడి వేధిస్తుంది. దీన్ని నుంచి ఉపశమనం పొందేందుకు ధ్యానం చేస్తే మంచిది.

మరిన్ని లైఫ్ స్టైల్ న్యూస్ కోసం క్లిక్ చేయండి..