Viral Wedding Video: ఇది పెళ్లా లేక ఉట్టి కొట్టే పోటీలా? గాలిలో తేలుతూ వధూవరుల వరమాల.. నెటిజన్లు షాక్!
ఈ రోజుల్లో పెళ్లిళ్లలో ఏదో ఒక కొత్తదనం ఉండాలని వధూవరులు రకరకాల ప్రయత్నాలు చేస్తున్నారు. అయితే, తాజాగా వైరల్ అవుతున్న ఒక వీడియోలో వరమాల వేడుక కాస్తా ఉట్టికొట్టే పోటీని తలపించింది. ఈ వింత సంఘటనకు సంబంధించిన వీడియో ప్రస్తుతం ఇంటర్నెట్లో హల్చల్ చేస్తోంది. వధూవరులు తమ వరమాల వేడుకను చిరస్మరణీయంగా మార్చుకోవాలనే ఉద్దేశంతో చేసిన విన్యాసాలు ఇప్పుడు సోషల్ మీడియాలో చర్చనీయాంశమయ్యాయి. వరమాల వేసే సమయంలో వధువును, వరుడిని వారి స్నేహితులు, బంధువులు గాలిలోకి ఎత్తుతూ విన్యాసాలు చేశారు.
Updated on: Mar 18, 2026 | 1:03 PM
పెళ్లి అనేది జీవితంలో ఒకేసారి వచ్చే వేడుక. దానిని గ్రాండ్గా జరుపుకోవాలని ప్రతి ఒక్కరూ కోరుకుంటారు. కానీ, ఆ క్రేజ్ కాస్తా హద్దులు దాటితే ఎలా ఉంటుందో ఈ వీడియో చూస్తే అర్థమవుతుంది. ప్రస్తుతం ఇంటర్నెట్లో హల్ చల్ చేస్తున్న ఒక వెడ్డింగ్ వీడియో చూసి అందరూ ముక్కున వేలేసుకుంటున్నారు. సాధారణంగా వరమాల వేడుక అంటే వధూవరులు ఒకరికొకరు పూలదండలు మార్చుకుంటారు. కానీ, ఇక్కడ మాత్రం సీన్ రివర్స్ అయింది. వరుడు స్టేజ్ పైకి రాగానే అతడి స్నేహితులు ఉత్సాహంతో అతడిని భుజాలపైకి ఎత్తుకున్నారు. అటు వధువు బంధువులు కూడా ఏమాత్రం తగ్గకుండా ఆమెను గాలిలోకి లేపారు. దీంతో వరమాల వేడుక కాస్తా కృష్ణ జన్మాష్టమి నాటి ఉట్టికొట్టే పోటీలా మారిపోయింది.
వరమాల వేసే సమయంలో వధువును, వరుడిని వారి స్నేహితులు, బంధువులు గాలిలోకి ఎత్తుతూ విన్యాసాలు చేశారు. వరుడి స్నేహితులు అతడిని తమ భుజాలపైకి ఎత్తుకుని చాలా ఎత్తుకు తీసుకెళ్లగా, అటువైపు నుంచి వధువును కూడా బంధువులు గాలిలోకి లేపారు. ఒక దశలో వారు గాలిలోనే వేలాడుతూ వరమాల వేసుకోవడానికి ప్రయత్నించడం చూసి అతిథులంతా భోజనాలు వదిలేసి మరీ ఆశ్చర్యంగా చూశారు. ఈ వీడియో చూసిన నెటిజన్లు ఇది పెళ్లా లేక పాలకుండను పగల గొట్టాల్సిన ఉట్టికొట్టే పోటీనా? అంటూ కామెంట్లు చేస్తున్నారు. సాహసం పేరుతో ఇలా ప్రాణాలను ప్రమాదంలో పడేసుకోవడం సరైంది కాదని మరికొందరు అభిప్రాయపడుతున్నారు.
వీడియో ఇక్కడ చూడండి..
Ye Varmala hai yaa Dahi Handi 🤣😝 pic.twitter.com/5NLtgZ97Sp
— 𝐒ɦυ𐓣𝗒𝗍α (@Shunyta_007) March 17, 2026
వధూవరులు అంత ఎత్తులో ఉండి ఒకరికొకరు దండలు వేసుకోవడానికి పడుతున్న పాట్లు చూసి పెళ్లికి వచ్చిన అతిథులు షాక్ తిన్నారు. చాలామంది తమ భోజనాలను కూడా పక్కనపెట్టి ఆ విన్యాసాలనే చూస్తూ ఉండిపోయారు. కొందరు దీనిని కెమెరాల్లో బంధించగా, అది కాస్తా ఇప్పుడు సోషల్ మీడియాలో వైరల్ అయ్యింది. ఈ వీడియోపై సోషల్ మీడియాలో మిశ్రమ స్పందనలు వస్తున్నాయి. ఈ వరుడి స్నేహితులు చూస్తుంటే వచ్చే ఏడాది ఉట్టి కొట్టే పోటీలకు పక్కాగా సిద్ధమవుతున్నట్లున్నారు అని కొందరు జోకులు పేలుస్తున్నారు.
మరిన్ని ట్రెండింగ్ న్యూస్ కోసం క్లిక్ చేయండి…
