కడుపు ఉబ్బిపోయి ఆయాసపడుతున్న పెంపుడు పిల్లి.. ఎక్స్-రే తీయగా డాక్టర్స్‌ షాక్..!

పెంపుడు జంతువుల పట్ల ఎంత అప్రమత్తంగా ఉండాలో హెచ్చరించే ఒక వింత, షాకింగ్ సంఘటన వెలుగులోకి వచ్చింది. మన ఇంట్లో పెంచుకునే కుక్కలు, పిల్లులు చిన్న పిల్లల వంటివి. ఏది కనిపిస్తే అది నోట్లో వేసుకోవడం వాటికి అలవాటు. తాజాగా ఒక పిల్లి విషయంలో జరిగిన సంఘటన చూస్తే మీరు ఖచ్చితంగా ఆశ్చర్యపోతారు. ఆ పిల్లి ప్రాణాల మీదకు తెచ్చింది మరేదో కాదు.. మనం జుట్టుకు వాడుకునే సాధారణ హెయిర్ టైస్.

Cat Swallowed Hair Ties

Jyothi Gadda |
Updated on: Mar 18, 2026 | 8:36 AM

అమెరికాలో జరిగిన ఈ సంఘటన పెంపుడు జంతువుల యజమానులను ఆశ్చర్యానికి గురి చేస్తోంది. ఒక పిల్లి అకస్మాత్తుగా ఆహారం తినడం మానేసి, నీరసించిపోవడంతో యజమాని దానిని పశువైద్యుని వద్దకు తీసుకెళ్లారు. పిల్లి కడుపు ఉబ్బి ఉండటంతో అనుమానం వచ్చిన వైద్యులు ఎక్స్-రే (X-ray) తీసి చూడగా, దాని పేగుల్లో ఏదో అడ్డుపడినట్లు గమనించారు. పెంపుడు జంతువుల పట్ల ఎంత అప్రమత్తంగా ఉండాలో హెచ్చరించే ఒక వింత, షాకింగ్ సంఘటన వెలుగులోకి వచ్చింది. మన ఇంట్లో పెంచుకునే కుక్కలు, పిల్లులు చిన్న పిల్లల వంటివి. ఏది కనిపిస్తే అది నోట్లో వేసుకోవడం వాటికి అలవాటు. తాజాగా ఒక పిల్లి విషయంలో జరిగిన సంఘటన చూస్తే మీరు ఖచ్చితంగా ఆశ్చర్యపోతారు. ఆ పిల్లి ప్రాణాల మీదకు తెచ్చింది మరేదో కాదు.. మనం జుట్టుకు వాడుకునే సాధారణ హెయిర్ టైస్.

అసలేం జరిగింది?

ఇవి కూడా చదవండి

అమెరికాలోని ఒక ఇంట్లో పెంచుకుంటున్న పిల్లి కొన్ని రోజులుగా ఏమీ తినడం లేదు. అది వాంతులు చేసుకోవడం, విపరీతమైన కడుపు నొప్పితో బాధపడటం గమనించిన యజమానులు వెంటనే ఆసుపత్రికి తరలించారు. ప్రాథమిక తనిఖీల్లో పిల్లి జీర్ణవ్యవస్థలో ఏదో భారీ వస్తువు అడ్డుపడినట్లు వైద్యులు గుర్తించారు. పిల్లికి అత్యవసరంగా సర్జరీ చేసిన వైద్యులకు దాని కడుపులో రబ్బర్ బ్యాండ్ల కుప్ప కనిపించింది. ఒక్కొక్కటిగా తీస్తుంటే వైద్యులు కూడా నోరెళ్లబెట్టారు. మొత్తం 26 హెయిర్ టైస్ పిల్లి కడుపులో నుంచి బయటపడ్డాయి. ఇవన్నీ ఒకదానికొకటి పెనవేసుకుని పేగుల్లో ఆహారం కదలకుండా అడ్డుపడ్డాయి. ఆడుకుంటూ లేదా అనుకోకుండా వీటిని పిల్లి మింగేసి ఉంటుందని డాక్టర్లు నిర్ధారించారు.

అదృష్టవశాత్తూ ఈ పిల్లి ప్రాణాలతో బయటపడింది. కానీ ప్రతిసారీ ఇలాగే జరుగుతుందని చెప్పలేము. కాబట్టి పెంపుడు జంతువుల విషయంలో అప్రమత్తత అవసరం. ఈ సంఘటన విన్న తర్వాత మీ పెంపుడు జంతువుల భద్రత గురించి మీరు కూడా ఆలోచిస్తున్నారా?