జమ్మూ కాశ్మీర్ లో ఎన్ కౌంటర్, ఇద్దరు ఉగ్రవాదులు హతం

జమ్మూ కాశ్మీర్ లోని బడ్గామ్ జిల్లాలో జరిగిన ఎన్ కౌంటర్ లో జైషే మహమ్మద్ ఉగ్రవాద సంస్థకు చెందిన ఇద్దరు టెర్రరిస్టులు మృతి చెందారు.  నిన్న రాత్రి 9 గంటల ప్రాంతంలో గాలింపు జరుపుతున్న  భద్రతాదళాలపై కొందరు ఉగ్రవాదులు కాల్పులు జరిపినట్టు తెలిసింది. ఉభయ పక్షాల మధ్య సుమారు 4 గంటలపాటు కాల్పులు జరిగాయని, చివరకు ఇద్దరు టెర్రరిస్టుల మృతదేహాలను కనుగొన్నామని సైనికవర్గాలు తెలిపాయి. ఆ ప్రాంతంలో మరికొందరు ఉగ్రవాదులు ఉండవచ్చునని భావించిన భద్రతా దళాలు… గాలింపును ఉధృతం చేశాయి.