విజయవాడ : వినియోగించిన మాస్కులకు స్పెషల్ డస్ట్ బిన్ లు..
విజయవాడ మున్సిపల్ కార్పోరేషన్ వినూత్న ఐడియాతో ముందుకొచ్చింది. ఉపయోగించిన మాస్కులకు వేయడానికి నగరంలో వివిధ చోట్ల స్పెషల్ డస్ట్ బిన్ లను ఏర్పాటు చేసింది.
విజయవాడ మున్సిపల్ కార్పోరేషన్ వినూత్న ఐడియాతో ముందుకొచ్చింది. ఉపయోగించిన మాస్కులకు వేయడానికి నగరంలో వివిధ చోట్ల స్పెషల్ డస్ట్ బిన్ లను ఏర్పాటు చేసింది. వినియోగించిన మాస్కులతో వ్యాధి వ్యాప్తి చెందే అవకాశం ఉండటంతో అధికారులు ఈ నిర్ణయం తీసుకున్నారు. ఈ డస్ట్ బిన్ లు కరోనా వైరస్ రూపాన్ని పోలి ఉంటాయి. కాగా ఉపయోగించిన మాస్కులు ఎక్కడ పడితే అక్కడ పడేయకుండా ఈ డస్ట్ బిన్స్ లో వేయాలని అధికారులు కోరుతున్నారు. ఇలా చేయడం ద్వారా మున్సిపల్ సిబ్బందికి, సాటి ప్రజలకు రిస్క్ తగ్గించినవారవుతారని చెబుతున్నారు.
ఇక కృష్ణ జిల్లాలో కేసులు ప్రమాదకరంగా పెరుగుతున్నాయి. ఈ రోజు రిలీజ్ చేసిన హెల్త్ బులిటెన్ ప్రకారం జిల్లా వ్యాప్తంగా 230 కరోనా పాజిటివ్ కేసులు నమోదయ్యాయి. మొత్తం మరణాల సంఖ్య 124గా ఉంది. అత్యధిక మరణాలు ఉన్న జిల్లాల్లో కర్నూలు(142) తర్వాత కృష్ణ రెండో స్థానంలో ఉంది.