పాపం పసిప్రాణం..చిరునవ్వులు చిందిస్తున్న ఈ చిన్నారి ఇక లేదు..సోను సూద్‌ సాయం వృథా పోయింది

Sonu Sood Assisted Child :   పాపం పసిప్రాణం..చిరునవ్వులు చిందిస్తున్న ఈ చిన్నారి ఇక లేదు. గుండె సమస్యతో బాధపడుతూ చివరకు మృత్యు ఒడికి చేరింది. ఈ చిట్టితల్లిని కాపాడేందుకు రియల్‌ హీరో సోను సూద్‌ చేసిన సాయం కూడా వృథా అయింది.

కృష్ణా జిల్లా గంపలగూడెం మండలం ఆర్లపాడుకు చెందిన ఈ చిట్టితల్లి గుండె సమస్యతో బాధపడుతోంది. కంటికి రెప్పలా కాపాడుకుంటూ వస్తున్నారు తల్లిదండ్రులు. పాప ట్రీట్‌మెంట్‌ కోసం సినీ నటుడు సోనూసూద్‌.. 2 లక్షల రూపాయల ఆర్థికసాయం చేశాడు.

ఆ డబ్బుతో పేరెంట్స్‌ ఇటీవలే హార్ట్‌ ఆపరేషన్‌ చేయించారు. ఆ తర్వాత ఇంటికి చేరుకున్న పాప.. మళ్లీ అనారోగ్యానికి గురైంది. గుండెకు నీరు పట్టడంతో విజయవాడ హాస్పిటల్‌కు తీసుకెళ్లారు. అయితే.. ఇక్కడ ట్రీట్‌మెంట్‌ చేయలేమని.. వేరే ఆస్పత్రికి తీసుకెళ్లాలని డాక్టర్లు సూచించారు. వైద్యుల సలహాతో మెరుగైన వైద్యం కోసం హైదరాబాద్ తీసుకొస్తుండగా మార్గమధ్యలోనే కన్నుమూసింది చిట్టితల్లి. బిడ్డతోనే జీవితమనుకున్న తల్లిదండ్రులు.. పాప ఇక లేదని కన్నీరుమున్నీరుగా విలపిస్తున్నారు.