‘బిగ్ బాస్ 4’కు హోస్టుగా సమంతా..?

బుల్లితెర ప్రేక్షకుల్లో ‘బిగ్ బాస్’ రియాలిటీ షోకు ఉన్న క్రేజ్ అంతా ఇంతా కాదు. ఇప్పటికే తెలుగులో మూడు సీజన్లు కంప్లీట్ చేసుకున్న ఈ షో త్వరలోనే నాలుగో సీజన్‌కు ముస్తాబవుతోంది. ఇక ఈ సీజన్ గురించి తాజాగా పలు ఆసక్తికరమైన విషయాలు సోషల్ మీడియాలో ప్రచారం అవుతున్నాయి. త‌రుణ్‌, వ‌ర్షిణి, మంగ్లీ, అఖిల్ స‌ర్తాక్, బిత్తిరి స‌త్తి  తదితరులు కంటెస్టెంట్లుగా ఎంపికయ్యారని టాక్ నడుస్తోంది. అటు బిగ్ బాస్ సీజన్ 4 హోస్ట్ ఎవరన్న దానిపై నెట్టింట్లో ఆసక్తికర చర్చ సాగిస్తోంది.

బిగ్ బాస్ 3కి హోస్టుగా వ్యవహరించిన నాగార్జున మరోసారి నాలుగో సీజన్‌కు కూడా వ్యాఖ్యాతగా వ్యవహరిస్తారని టాక్ నడిచింది. అయితే ఇప్పుడు మరోపేరు తెరపైకి వచ్చింది. అక్కినేని కోడలు సమంతను హోస్టుగా తీసుకోవాలని నిర్వాహకులు ప్రయత్నిస్తున్నారని సమాచారం. దీనిపై అధికారిక ప్రకటన రావాల్సి ఉంది. కాగా, ఇప్పటివరకు బిగ్ బాస్ షోకు ఫిమేల్ హోస్టుగా వ్యవహరించలేదు. సీజన్ 3కి అక్కినేని నాగార్జున అందుబాటులోకి లేకపోవడంతో కొన్ని ఎపిసోడ్స్‌కు రమ్యకృష్ణ వ్యాఖ్యాతగా వ్యవహరించారు.