మోదీ ప్రమాణ స్వీకారం.. విదేశీ నేతలకు పిలుపు..?

ఈ లోక్‌సభ ఎన్నికల్లో అఖండ విజయాన్ని సాధించి రెండోసారి ప్రధానమంత్రిగా పదవి చేపట్టబోతున్నారు నరేంద్ర మోదీ. ఈ నెల 30న ఆయన ప్రమాణ స్వీకారం జరిగే అవకాశముండగా.. ఈ కార్యక్రమానికి విదేశీ నేతలు హాజరుకానున్నట్లు తెలుస్తోంది. ఈ మేరకు విదేశీ నేతలను ఆహ్వానించే విషయమై పార్టీలో చర్చలు జరుపుతున్నట్లు సమాచారం. వారిలో జపాన్ ప్రధాని షింజో అబే, అబుదబీ యువరాజు, ఇజ్రాయోల్ ప్రధాని బెంజిమన్ నెతాన్యాహూ పేర్లు వినిపిస్తున్నాయి. అలాగే ఐక్యరాజ్యసమితి పీ-5దేశాల(యూఎస్, చైనా, రష్యా, ఫ్రాన్స్, యూకే) అధినేతలను ఆహ్వానిస్తారనే వార్తలు తెలుస్తోంది. వీరందరితో వ్యక్తిగతంగా మోదీకి మంచి సంబంధాలున్నాయి. అయితే దీనిపై బీజేపీ నుంచి ఇంకా ఎలాంటి అధికారిక ప్రకటన రాలేదు.