Viral Video: తెలివైన పనిమంతుడు…జోరువానలో గొడుగుపట్టుకుని.. వైరల్ అవుతున్న ఫన్నీ వీడియో.!

పరమానందయ్య శిష్యుల కథ చాలా మందికి తెలిసే ఉంటుంది. ఇతను కూడా వారి శిష్యరిక బృందానికి చెందిన వ్యక్తే అనుకుంటా.. అచ్చం వారిలానే..

Sincere Worker

Updated on: Jun 17, 2021 | 1:56 PM

పరమానందయ్య శిష్యుల కథ చాలా మందికి తెలిసే ఉంటుంది. ఇతను కూడా వారి శిష్యరిక బృందానికి చెందిన వ్యక్తే అనుకుంటా.. అచ్చం వారిలానే చేస్తున్నాడు. ఏదీ ఏమైనా చెప్పిన పని చెప్పినట్టుగా చేస్తున్నాడు. అది వర్షంపడినా, పిడుగు పడ్డా.. మాట తప్పటం లేదు. ఇదిగో ఇక్కడో వ్యక్తి ఏం చేస్తున్నాడో.. చూస్తున్నారుగా, అందుకే ఇతన్ని పరమానందయ్య శిష్యుల బృందానికి చెందిన వ్యక్తిగా చెప్పాల్సి వచ్చింది.

జోరుగా వర్షం పడుతుంటే..ఇతడు చేస్తున్న పని విచిత్రంగా ఉంది కదూ..అసలే పైనుంచి కిందకు ఏకధాటికిగా వర్షం కురుస్తోంది. ఆ వర్షంలో గొడుగు పట్టుకుని మరీ ఇతగాడు..సిమెంటు ఇటుకలకు నీళ్లు కొడుతున్నాడు. ఇంతటి వానలో వాటిని మళ్లీ తడపటం అవసరమా చెప్పండి.? ఈ అద్భుతమైన వీడియోను ఐఎఫ్‌ఎస్‌ అధికారి సుశాంత నందా సోషల్‌ మీడియాలో షేర్‌ చేశారు. కాగా, ఈ వీడియోకు లక్షల్లో వ్యూస్‌, లైకులు వచ్చాయి. వీడియో చూసిన నెటిజన్లు సదరు వ్యక్తికి పని పట్ల గల అంకిత భావం అర్థం అవుతుందంటూ కామెంట్లు పెడుతున్నారు. మరికొందరు నెటిజన్లు మంచి పనిమంతుడు అంటున్నారు. ఇంకొందరైతే, ఏం తెలివిరా బాబు అంటూ ఫన్నీగా కామెంట్‌ చేస్తున్నారు.