సినీనటి జయప్రదపై కేసు నమోదు..!

ప్రముఖ సినీ నటి, బీజేపీ ఎంపీ అభ్యర్థి అయిన జయప్రదపై కేసు నమోదయ్యింది. ఉత్తర్ ప్రదేశ్‌లో రాంపూర్ నుంచి ఎంపీ అభ్యర్థిగా పోటీ చేస్తోన్న జయప్రద.. ఎలక్షన్ కోడ్ ఉల్లంఘించినందున పోలీసులు కేసు నమోదు చేశారు. ప్రచారం సందర్బంగా బీఎస్పీ అధినేత్రి మాయావతి, రాంపూర్ ఎస్పీ అభ్యర్థి ఆజంఖాన్‌లపై ఆమె తీవ్ర వ్యాఖ్యలు చేశారు. మాయావతిపై ఆజంఖాన్ ఎక్స్ రే కళ్లు వేసుకుని ఎక్కడెక్కడ చూశారంటూ..! ఆమె వివాదాస్పద వ్యాఖ్యలు చేశారు. ఈ నేపథ్యంలో ఈ అంశాన్ని సీరియస్‌గా తీసుకుంది ఈసీ. దీంతో.. ఈసీ ఆదేశాల మేరకు కేసు నమోదు చేశారు పోలీసులు. ఎన్నికల సందర్భంగా.. ఎలక్షన్ కోడ్ అంశంపై ఇప్పటికే పలుమార్లు అభ్యర్థులనుహెచ్చరించింది ఈసీ.