కరోనా ఎఫెక్ట్.. లంక ప్రీమియర్ లీగ్ వాయిదా…

Lanka Premier League Postponed: కరోనా ఎఫెక్ట్ కారణంగా శ్రీలంక క్రికెట్ ఆధ్వర్యంలో తొలిసారిగా నిర్వహించనున్న లంక ప్రీమియర్ లీగ్ టీ 20 టోర్నీ నవంబర్ నెలకు వాయిదా పడింది. వాస్తవానికి ఈ నెల 28వ తేదీ నుంచి సెప్టెంబర్ 20 వరకు లంక ప్రీమియర్ లీగ్ జరగాల్సి ఉంది. ఈ లీగ్‌లో మొత్తం 23 మ్యాచ్‌లు కొలంబో, క్యాండీ, గాలె, దంబుల్లా, జాఫ్నా వేదికలుగా జరగనున్నాయి.

విదేశీ ఆటగాళ్లు కరోనా నియంత్రణా చర్యల్లో భాగంగా తప్పనిసరిగా 14 రోజుల పాటు క్వారంటైన్‌లో ఉండాలి కాబట్టి.. ఈ నెలలో టోర్నీని నిర్వహించడం సాధ్యపడదు. అందుకే లంక ప్రీమియర్ లీగ్‌ను నవంబర్‌కు వాయిదా వేశామని శ్రీలంక క్రికెట్ అధ్యక్షుడు షమ్మీ సిల్వా తెలిపారు. ఐపీఎల్ ముగిశాక నవంబర్ రెండో వారంలో లంక ప్రీమియర్ లీగ్‌ను నిర్వహించేందుకు సన్నాహాలు చేస్తామన్నారు.