రేపు ‘ఆహా’లో విడుదలవుతున్న ‘కృష్ణ అండ్ హిజ్ లీల’..

సిద్ధు జొన్నల‌గ‌డ్డ హీరోగా, శ్ర‌ద్ధా శ్రీనాథ్‌, షాలిని, సీర‌త్ క‌పూర్ హీరోయిన్లుగా న‌టించిన సినిమా `కృష్ణ అండ్ హిజ్ లీల‌`. ర‌వికాంత్ పేరెపు ద‌ర్శ‌క‌త్వం వహించిన ఈ సినిమాను సురేష్ ప్రొడ‌క్ష‌న్స్, వ‌యాకామ్ 18 మోష‌న్ పిక్చ‌ర్స్‌, సంజ‌య్ రెడ్డి కలిసి సంయుక్తంగా నిర్మించారు. జూలై 4న తెలుగు ఓటీటీ ‘ఆహా’లో ఈ సినిమా రిలీజ్ కానుంది.

యూత్‌ఫుల్ ఎంటర్టైనర్‌గాా తెరకెక్కిన ఈ సినిమా ప్రేక్షకులను ఆకట్టుకుంటుందని నమ్మకంతో ఉన్నట్లు హీరో సిద్దు జొన్నలగడ్డ చెప్పుకొచ్చాడు. నేటితరం యూత్ ప్రేమ విష‌యంలో ఎదుర్కొనే ఓ క‌న్‌ఫ్యూజన్ పాయింట్‌ను ఈ చిత్రంలో ఎలివేట్ చేశామని ఆయన అన్నారు. చిత్ర ద‌ర్శ‌కుడు మాట్లాడుతూ.. ‘‘ప్రతి ఒక్క‌రు ప్రేమ విష‌యంలో ఎదుర్కొనే మాన‌సిక సంఘ‌ర్ష‌ణే మా కృష్ణ అండ్ హిజ్ లీల‌. ప్రారంభం నుండి నేను సిద్ధు క‌లిసి ప‌నిచేశాం. థియేట‌ర్స్‌లో సినిమాను విడుద‌ల చేద్దామ‌ని అనుకుంటే.. ప్ర‌స్తుతం నెల‌కొన్న ప‌రిస్థితుల్లో కుద‌ర‌లేదు. దీంతో ఓటీటీలోనే విడుద‌ల చేయాల‌నుకున్నాం. జులై 4న ఆహాలో విడుద‌ల‌వుతుంది’’ అన్నారు. కాగా, ఆహా యాప్‌లో వరుసగా ప్రేక్షకులను అలరించేందుకు అద్భుతమైన సినిమాలు రిలీజ్ అవుతున్నాయి. ఇవాళ విడుదలైన భానుమతి & రామకృష్ణ సినిమా అభిమానులను అలరిస్తోంది.