కానిస్టేబుల్ అభ్యర్థులకు ఉచితంగా శిక్షణ అందించనున్న తెలంగాణ బీసీ స్టడీ సర్కిల్.. ఈసారి ఆన్‌లైన్‌లో.

Free coaching for police candidates: తెలంగాణాలో కానిస్టేబుల్, ఎస్ఐ పోస్టుల కోసం పోటీపడుతోన్న అభ్యర్థులకు తెలంగాణ బీసీ స్టడీ సర్కిల్ శుభవార్త తెలిపింది. రాత పరీక్ష కోసం సిద్ధమవుతోన్న అభ్యర్థులకు ఉచితంగా శిక్షణ అందించనున్నట్లు స్టడీ సర్కిల్ తెలిపింది. ఈ విషయమై తాజాగా బీసీ స్టడీ సర్కిల్ ఒక ప్రకటన విడుదల చేసింది. అయితే ప్రతీ ఏటా తరగతి గదుల్లో ఇచ్చే శిక్షణను ఈసారి కరోనా పొంచి ఉన్న నేపథ్యంలో ఆన్‌లైన్‌లో అందించనున్నట్లు అధికారులు తెలిపారు.
ఇదిలా ఉంటే.. ఈ ఉచిత శిక్షణ పట్ల ఆసక్తికలిగిన బీసీ, ఎస్టీ, ఎస్సీ అభ్యర్థులు tsbcstudycircle. cgg.gov.in నుంచి ఫారం డౌన్‌లోడ్‌ చేసుకొని ఈ నెల 31లోపు దరఖాస్తు చేసుకోవాలని బీసీ స్టడీ సర్కిల్ సూచించింది. ఇక ఉచిత శిక్షణ పొందడానికి గ్రామీణ ప్రాంత అభ్యర్థుల కుటుంబ వార్షిక ఆదాయం రూ.1.5లక్షలు, పట్టణ ప్రాంతానికి చెందిన వారికి రూ.2లక్షలు మించకూడదని అధికారులు పేర్కొన్నారు. పూర్తి వివరాలకు 040-24071178, 63024 27521 నెంబర్లను సంప్రదించాలని సూచించారు.