Messi Suspension : బార్సిలోనా సాకర్ స్టార్ ఆటగాడిపై రెడ్ కార్డ్ పెనాల్టీ.. ప్రత్యర్ధి ఆటగాడిని కొట్టిన మెస్సీ

Messi Suspension : బార్సిలోనా సాకర్ స్టార్ ఆటగాడు మెస్సీపై రెండు మ్యాచ్​ల నిషేధం పడింది. స్పానిష్ సూపర్​ కప్​ ఫైనల్లో ప్రత్యర్థి జట్టు ఆటగాడిని చేతితో తీవ్రంగా గాయపరిచినందుకుగాను స్పానిష్ సాకర్ సమాఖ్య మంగళవారం ఈ నిర్ణయం తీసుకుంది. ఈ మ్యాచ్​లో గోల్​ పోస్ట్​ వైపు వెళ్తున్న క్రమంలో ఈ ఘటన చోటు చేసుకుంది.

అథ్లెటిక్ బిల్బావో ఫుట్​బాలర్​ ఏసియర్​ను చేతితో  మెస్సీ గట్టిగా కొట్టాడు. దీంతో అతడు అక్కడికక్కడే కిందపడిపోయాడు. ఇలాంటి తప్పిదాలకు 12 మ్యాచుల వరకు నిషేధం విధించే అవకాశముంది. అయితే దానిని అంత తీవ్రంగా పరిగణించని ఫుట్ బాల్ సమాఖ్య.. మెస్సీపై తక్కువ పెనాల్టీ విధించింది. ఇక ఆ జట్టు తరఫున మెస్సీ 753 మ్యాచులు ఆడగా.. రెడ్​కార్డు తీసుకోవడం మాత్రం ఇదే మొదటిసారి.