భార్య నగ్నచిత్రాలను సోషల్ మీడియాలో పెడతానంటూ సినీ రచయిత బ్లాక్ మెయిల్

లేకుండా ఆమె నగ్న చిత్రాలను యూట్యూబ్ లో పెడతానంటూ బెదిరింపులకు పాల్పడుతున్నాడు. దీంతో సదరు తెలుగు సినీ రచయిత నుంచి తనకు రక్షణ కల్పించి న్యాయం చేయాలంటూ పోలీసులను ఆశ్రయించడంతో ఈ భాగోతం వెలుగులోకి వచ్చింది.

బంజారాహిల్స్‌ రోడ్‌ నంబరు 12లోని ఎన్బీటీనగర్‌లో నివసించే రమణగౌతమ్‌ పలు తెలుగు సినిమాల్లో రచయితగా పనిచేశాడు. ప్రేమించి పెళ్లాడినప్పటికీ, ఆమెపై పగ పెంచుకున్నాడు. కాగా, రమణ గౌతం తన భార్యను కొంత కాలంగా వేధింపులకు గురి చేస్తున్నాడు. మానసికంగా హింసించాడు. భర్త వేధింపులు ఆమె భరించలేక పోలీసులను ఆశ్రయించింది. దీంతో ఇద్దరిని పిలిపించిన పోలీసులు వారికి కౌన్సిలింగ్ నిర్వహించి వదలి వేశారు. అయినా అతడి తీరులో ఏమాత్రం మార్పు రాలేదు. చివరకు పోలీసు స్టేషన్లో కేసు వాపసు తీసుకోవాలని బ్లాక్ మెయిల్ కు పాల్పడుతున్నాడు. దీంతో మరోసారి తనకు రక్షణ కల్పించాలంటూ పోలీసులకు ఫిర్యాదు చేసింది ఆ మహిళ. అంతేకాదు తాను చెప్పినట్లు చేయకపోతే ఆమె నగ్న వీడియోలను సోషల్ మీడియాలో పెట్టి పరువు తీస్తానంటూ బెదిరించాడు. దీంతో ఆమె యర్రంశెట్టి రమణ గౌతమ్‌పై బంజారాహిల్స్‌ పోలీసు స్టేషన్ లో ఫిర్యాదు చేయగా కేసు నమోదు చేసుకున్న పోలీసులు దర్యాప్తు చేపట్టారు.