గ్రాండ్ గా గుర్రం బర్త్ డే వేడుకలు.. పండగ జరిపిన యజమాని.. నెట్టింట చక్కర్లు కొడుతున్న ఫోటోలు..

మాములుగా మనుషులు బర్త్‌డే సెలబ్రేట్‌లు చేసుకోవడం సర్వసాధారణం. అయితే కొన్నిసార్లు పెంపుడు జంతువులకు కూడా పుట్టిన రోజులు వేడుకలు చేస్తుంటారు కొందరు. అలాగే . ఓ వ్యక్తి.. తాను ఎంతో ప్రేమగా పెంచుకుంటున్న.. ఓ గుర్రానికి బర్త్‌ డే సెలబ్రేషన్స్‌ నిర్వహించాడు. దీనికి సంబంధించిన ఫోటోలు సోషల్ మీడియాలో  చక్కర్లు కొడుతున్నాయి.

సహర్షా జిల్లాలోని పాంచ్‌వతిచౌక్‌కు చెందిన రజ్‌నీష్‌ కుమార్‌ అలియాస్‌ గోలు యాదవ్‌కు చేతక్‌ అనే తెల్ల గుర్రం ఉంది. దాన్ని చిన్నప్పటి నుంచి కన్న బిడ్డలాగా పెంచుతున్నాడు. ఇంట్లో వాళ్లు దాన్ని ఇంటి సభ్యుడిలాగే చూసేవారు. అదో జంతువు అని అంటే ఒప్పుకునేవారు కాదు. తన పుట్టినరోజు వేడుకలకు కూడా అంత ప్రాధాన్యత ఇవ్వని గోలు యాదవ్‌.. చేతక్‌ పుట్టిన రోజును ఓ పండుగలా జరిపేవాడు.

ఈ సంవత్సరం కూడా పోయిన సంవత్సరం లాగే పెద్ద ఎత్తున  గుర్రం పుట్టిన రోజు వేడుకలు జరిపాడు. చేతక్‌కు స్నానం చేయించి, కొత్త బట్టలు  వేసి. తనే దగ్గరుండి ఓ పెద్ద కేకు కట్‌ చేశాడు. ఊరందరికీ వెజ్‌, నాన్‌ వెజ్‌ భోజనాలు కూడా ఏర్పాటు చేసాడు. ఈ పుట్టిన రోజు వేడుకల్లో పెద్ద ఎత్తున జనాలు పాల్గొన్నారు. ప్రస్తుతం చేతక్‌ పుట్టిన రోజు వేడుకలు రాష్ట్రవ్యాప్తంగా చర్చనీయాంశంగా మారాయి. దాంతో ఆ గుర్రం పుట్టిన రోజు ఫోటోలు సోషల్ మీడియాలో తెగ చక్కర్లు కొడుతున్నాయి.

మరిన్ని ఇక్కడ చదవండి : 

ఓటీటీ ప్లాట్ ఫామ్ లపై వీడియో కంటెంట్, నిఘా ఉండాలన్న సుప్రీంకోర్టు, కేంద్రానికి తాజా ఆదేశాలు

ఒకటి కాదు.. రెండు కాదు కుప్పలు తెప్పలుగా పాములు… కన్నంలో నుంచి బుసలు కొడుతూ వచ్చాయి.. చివరకు