రవిప్రకాశ్‌పై మరో కేసు.. 14 రోజుల రిమాండ్

నిధుల దుర్వినియోగం కేసులో అరెస్టయి చంచల్‌గుడా జైలులో ఉన్న టీవీ9 బహిష్కృత సీఈవో రవిప్రకాష్ పై మరో కేసు నమోదైంది. నకిలీ ఐడీ కేసులో రవిప్రకాష్ పై మరో కేసు నమోదు చేశారు. ఐ ల్యాబ్ పేరుతో నటరాజన్ అనే వ్యక్తి పేరు మీద ఫేక్ ఐడీ కార్డు క్రియేట్ చేసినట్టుగా పోలీసులు తేల్చారు. ఐ ల్యాబ్ ఇచ్చిన పిర్యాదులో ఈ కేసు నమోదు చేశారు. రవిప్రకాశ్ పై ఇన్ఫర్మేషన్ టెక్నాలజీ 406/66 యాక్ట్ కింద కేసు పెట్టినట్టు చెప్పారు. చంచల్ గూడ జైలులో ఉన్న రవిప్రకాశ్‌ను పీటీ వారెంట్ పై మియాపూర్ కోర్టుకు తీసుకొచ్చారు పోలీసులు. రవిప్రకాశ్‌కు కోర్టు 14 రోజుల రిమాండ్ విధించగా తిరిగి చంచల్‌గుడా జైలుకు తరలించారు.