నాకు కరోనా పాజిటివ్.. వీడియో విడుదల చేసిన అంబటి

ఏపీలో కరోనా మహమ్మారి విజృంభిస్తోంది. రోజురోజుకు కేసుల సంఖ్య అమాంతం పెరుగుతున్నాయి. సామాన్య ప్రజల నుంచి మొదలుకొని.. ప్రజాప్రతినిధుల వరకు అందరు కూడా దీని బారిన పడుతున్నారు. వైసీపీ సత్తెనపల్లి ఎమ్మెల్యే అంబటి రాంబాబుకు కరోనా పాజిటివ్‌ నిర్ధారణ అయిన సంగతి తెలిసిందే. దీంతో, ఆయన ఐసొలేషన్ కు వెళ్లిపోయారు. ఈ సందర్భంగా ఆయన ఒక వీడియోను సోషల్ మీడియాలో పోస్ట్ చేశారు. తనకు కరోనా సోకినట్టు తెలిసిందని వీడియోలో అంబటి పేర్కొన్నారు.

‘నాకు కరోనా పాజిటివ్ వచ్చింది. ఈ విషయం తెలిసినప్పటి నుంచి ఎంతో మంది ఫోన్లు చేస్తున్నారు. అయితే కాల్స్ ను నేను రీసీవ్ చేసుకోలేకపోతున్నాను. నేను ఐసొలేషన్ లో ఉన్నాను. ఒక ఆసుపత్రిలో ట్రీట్మెంట్ చేయించుకునేందుకు ప్రయత్నం చేస్తున్నా. చాలా ధైర్యంగా ఉన్నా. ఎవరూ ఆందోళన చెందొద్దు. నాతో ఫోన్లో మాట్లాడేందుకు ఎవరూ ట్రై చేయొద్దు. అందరికీ ఫోన్ ద్వారా సమాధానం చెప్పేదానికన్నా వీడియో ద్వారా ఒకసారి చెపితే సరిపోతుందని ఈ వీడియో ద్వారా స్పందిస్తున్నా. కరోనా పాజిటివ్ అని ఆర్టీపీసీ టెస్ట్ ద్వారా ఈ విషయం తేలింది. బయటకు కచ్చితంగా వస్తాను. ఆందోళన చెందొద్దు’ అంటూ వీడియోలో తెలిపారు.

ఈ రోజు వచ్చిన కోవిడ్ ఫలితాల్లో నాకు పాజిటివ్ గా నిర్ధారణ అయింది

చాలా ధైర్యం గా వున్నాను, నా యోగ క్షేమాలు తెల్సుకోవడానికి నాకు చాలా మంది కాంటాక్ట్ చేస్తున్నారు, అందరికి ధన్యవాదాలు,

త్వరలోనే పూర్తిగా కోలుకుని మరలా ఎప్పటిలానే ప్రజల్లోకి వస్తాను. pic.twitter.com/u12NxudPNT

— Ambati Rambabu #StayHomeStaySafe (@AmbatiRambabu) July 22, 2020