అడవుల్లో పుష్పరాజ్‌.. మాసిపోయిన షర్ట్‌, ఫ్యాంట్‌తో కేక పెట్టిస్తోన్న బన్నీ లుక్‌.. చూశారా..!

Allu Arjun Pushpa: టాలీవుడ్‌లో తెరకెక్కుతోన్న ప్రతిష్టాత్మక చిత్రాల్లో అల్లు అర్జున్ పుష్ప ఒకటి. సుకుమార్-బన్నీ కాంబినేషన్‌లో తెరకెక్కే మూడో చిత్రం ఇది కాగా.. అభిమానులతో పాటు ఇటు సాధారణ ప్రేక్షకుల్లోనూ భారీ అంచనాలు ఉన్నాయి. ఇక ఈ మూవీ షూటింగ్‌ ఇటీవలే రాజమండ్రిలోని మారేడుమిల్లి అడవిలో జరుగుతోంది. కరోనా నేపథ్యంలో పలు జాగ్రత్తలను పాటిస్తూ షూటింగ్‌ని కానిచ్చేస్తున్నారు సుకుమార్. కాగా ఈ మూవీ షూటింగ్‌లో బన్నీకి సంబంధించిన ఓ లుక్‌ తాజాగా సోషల్ మీడియాలో చక్కర్లు కొడుతోంది. అందులో మాసిన షర్ట్‌, ఫ్యాంట్‌, బెల్డ్‌ చెప్పులతో రఫ్ లుక్‌లో బన్నీ కనిపిస్తున్నారు. ఇక ఈ లుక్‌పై వావ్‌ అంటూ అభిమానులు కామెంట్‌ పెడుతున్నారు. (కరోనా అప్‌డేట్స్‌: తెలంగాణలో 894 కొత్త కేసులు.. నలుగురు మృతి.. కోలుకున్న 1,057 మంది)

కాగా ఎర్రచందనం స్మగ్లింగ్ నేపథ్యంలో తెరకెక్కుతున్న ఈ మూవీలో అల్లు అర్జున్‌ లారీ డ్రైవర్‌గా కనిపించనున్నారు. ఆయన సరసన రష్మిక మందన్న నటిస్తున్నారు. ప్రకాష్‌ రాజ్‌, జగపతి బాబు తదితరులు కీలక పాత్రల్లో కనిపించనున్నట్లు తెలుస్తోంది. ముత్తంశెట్టి క్రియేషన్స్‌, మైత్రీ మూవీ మేకర్స్ సంయుక్తంగా నిర్మిస్తోన్న ఈ మూవీకి రాక్‌స్టార్ దేవీ శ్రీ ప్రసాద్ సంగీతం అందిస్తున్నారు. పాన్ ఇండియా ప్రాజెక్ట్‌గా తెరకెక్కుతున్న ఈ మూవీ వచ్చే ఏడాది ప్రేక్షకుల ముందుకు రానుంది. (ఘోర రోడ్డు ప్రమాదం.. బొలెరోను ఢీకొన్న ట్రక్కు.. మృతుల్లో ఆరుగురు చిన్నారులు)