Erratic pandemic behavior: ఆన్లైన్ క్లాసులు.. విద్యార్థుల్లో విపరీత ప్రవర్తనలు..వారిని సరిచేయాల్సింది ఎవరు?
Erratic pandemic behavior: ఉదయాన్నే.. చక్కగా స్కూలు డ్రస్ వేసుకుని.. బస్సులో తన స్నేహితులతో కలసి స్కూలుకు వెళ్ళిన రోజులు.. స్కూల్లో ఆడుతూ పాడుతూ టీచర్లు చెప్పిన పాఠాలు విన్న క్షణాలు.. బాల్యంలో ఎవరికైనా చక్కని అనుభూతులు.
Erratic pandemic behavior: ఉదయాన్నే.. చక్కగా స్కూలు డ్రస్ వేసుకుని.. బస్సులో తన స్నేహితులతో కలసి స్కూలుకు వెళ్ళిన రోజులు.. స్కూల్లో ఆడుతూ పాడుతూ టీచర్లు చెప్పిన పాఠాలు విన్న క్షణాలు.. బాల్యంలో ఎవరికైనా చక్కని అనుభూతులు. కరోనా మహమ్మారి దెబ్బకు ఆ అనుభూతులు ఆన్లైన్ క్లాసులకు పరిమితం చేసేసింది. విద్యార్ధుల మానసిక స్థితిపై గట్టి దెబ్బ కొట్టేసింది. ఆన్లైన్ క్లాసుల్లో టీచర్ చెప్పేది అర్ధం కాక.. లాక్ డౌన్ దెబ్బతో కనీసం పక్కింట్లో ఉన్న వారితోనూ అడుకోలేని నిస్సహాయతలోకి విద్యార్ధుల పరిస్థితి గందరగోళం అయిపొయింది. ఓ పద్నాలుగేళ్ళ కుర్రాడు ఆన్లైన్ క్లాసులు బోరు కొట్టాయి. ఏం చేస్తాడు? మెల్లగా ఆన్లైన్ లోనే ఓ విండోకి మారాడు. అక్కడ తన స్నేహితులను ఏర్పాటు చేసుకున్నాడు.. వారితో ఆన్లైన్ ఆటలు ఆడటం మొదలు పెట్టాడు. ఇది తల్లిదండ్రులు గమనించే అవకాశం లేదు. ఆన్లైన్ లో పాఠాలు చెబుతున్న మాస్టారికి అసలు తెలిసే పరిస్థితే లేదు. ఆన్లైన్ తరగతులు, కంప్యూటర్ స్క్రీన్ ముందు ఎక్కువ గంటలు పిల్లలు గడపాల్సి రావడం తల్లిదండ్రులను ఆందోళనకు గురిచేస్తున్నాయి, ప్రత్యేకించి వారి పిల్లల ప్రవర్తనా విషయంలో భారీగా తేడాలు గమనించినపుడు వారు పడుతున్న వేదన చెప్పలేనిదిగా మారిపోయింది. ఈ సమస్యను పరిష్కరించే బాధ్యత ఆ ఆన్లైన్ పాఠశాలదే అని చెప్పొచ్చు.
ఈ విషయంపై విద్యా నిపుణులు మాట్లాడుతూ “విద్యను అందించడానికి” మాత్రమే కాకుండా, “పిల్లవాడు మానసిక / శారీరక ఒత్తిడిని ఎదుర్కోవటానికి వీలు కల్పించటానికి” ఇక్కడ ఉన్నాయనే వాస్తవాన్ని స్కూల్స్ గుర్తించాల్సిన అవసరం ఉంది. ఆన్లైన్ తరగతులు నిర్వహిస్తున్న విద్యాలయాలు విద్యార్థుల మానసిక ప్రవర్తన, ఆరోగ్యాన్ని పరిశీలించడానికి నిపుణులైన పిల్లల మనస్తత్వవేత్తల బృందం అందుబాటులో ఉంచాల్సిన అవసరం ఉంది. ఉదాహరణకు ముంబైలోని ఆదిత్య బిర్లా వరల్డ్ అకాడమీలో, ‘మైండ్స్ మేటర్’ అనే ఒక మానసిక ఆరోగ్య పాఠ్యాంశం ఉంది, ఇక్కడ సలహాదారులు ప్రతి వారం విద్యార్థులతో “వారి మానసిక శ్రేయస్సును పెంచే సాధనాలను అందించడానికి” సంభాషిస్తారు. “మాకు‘ హ్యాపీ ప్లేస్ ’,‘ హ్యాపీనెస్ వీక్, ఫెయిల్యూర్ వీక్ ’వంటి కార్యక్రమాలు కూడా ఉన్నాయి, ఇక్కడ మా విద్యార్థులకు వారి ఆలోచనలు, భావాలను పంచుకోవడానికి సురక్షితమైన అవకాశం ఇస్తాము.” అని పాఠశాల పాస్టోరల్ కేర్ కోఆర్డినేటర్ ఆచల్ జైన్ చెప్పారు.
కానీ, ఈ వనరులన్నీ అందుబాటులో ఉన్నప్పటికీ, పిల్లలు ఇబ్బంది పడుతున్నారనేది వాస్తవం. ఆ విసుగు, ఆసక్తి లేకపోవడం పైకి కనిపించే సమస్యలు మాత్రమే. దీని గురించి నిపుణులు ఏమంటున్నారంటే.. పిల్లల ఆరోగ్యకరమైన అభివృద్ధికి అవసరమైన అనేక భాగాలు మహమ్మారి కారణంగా తీవ్రంగా ప్రభావితమయ్యాయి. శారీరక శ్రమ, స్నేహితులతో పరస్పర చర్య, ప్రయాణం నుండి కొత్త అనుభవాలు, నిర్మాణాత్మక ప్లే టైమ్ వంటివి వీటిలో ఉన్నాయి. వారి రోజువారీ జీవితంలో ఈ అంశాలు లేకపోవడం ఖచ్చితంగా వారి మానసిక స్థితిని ప్రభావితం చేస్తుంది. ఆన్లైన్ తరగతుల సమయంలో ఏకాగ్రత, నేర్చుకునే సామర్థ్యాన్ని కూడా ప్రభావితం చేసింది.
పిల్లలతో ఏదో తప్పుగా ఉందని మొదట గమనించేది ఉపాధ్యాయులే. అది తరగతి గది అయినా.. ఆన్లైన్ క్లాస్ అయినా. పాఠాలు చెబుతున్న సమయంలో తన ముందున్న విద్యార్థుల్లో ప్రతి ఒక్కరి ప్రవర్తనా పరిశీలించాల్సిన బాధ్యత టీచర్లదే. ఆన్లైన్ తరగతుల్లో ఇది కష్టం అయినా, ఆ విధమైన ఏర్పాటు ఉపాధ్యాయుల కోసం ఆయా స్కూళ్ళు ఏర్పాటు చేయాల్సి ఉంటుంది. ఏది ఏమైనా ఆన్లైన్ క్లాసుల్లో విద్యార్ధులు తమ ఏకాగ్రతను కోల్పోకుండా చూడాల్సిన బాధ్యత నూరుశాతం ఆయా స్కూల్స్ మీద.. ఉపాధ్యాయుల మీదా ఉందనేది వాస్తవం.
