Health Alert: రుచిగా ఉందని ద్రాక్షను లాగిస్తున్నారా.. మీ ఆరోగ్యానికి హాని కలిగించవచ్చు.. రోజుకు ఎంత తినవచ్చో తెలుసా..

ఏదైనా ఎక్కువగా తినడం వల్ల చెడు అని అంటారు. కాబట్టి, ద్రాక్షను అధికంగా తీసుకునే ముందు ఇది తెలుసుకోండి..

Health Alert: రుచిగా ఉందని ద్రాక్షను లాగిస్తున్నారా.. మీ ఆరోగ్యానికి హాని కలిగించవచ్చు.. రోజుకు ఎంత తినవచ్చో తెలుసా..
Grapes
Follow us

|

Updated on: Nov 28, 2022 | 2:25 PM

ద్రాక్షలో యాంటీఆక్సిడెంట్లు, విటమిన్లు, మినరల్స్ పుష్కలంగా ఉన్నందున ద్రాక్ష ఒక ప్రసిద్ధ, ఇష్టమైన పండు. రోజూ ద్రాక్ష పండ్లను ఎక్కువగా తినే వారు ఉండవచ్చు. కానీ వీటిని ఎక్కువగా తీసుకోవడం వల్ల కలిగే దుష్ప్రభావాల గురించి చాలా మందికి తెలియదు. అధిక పరిమాణంలో ద్రాక్షను క్రమం తప్పకుండా తీసుకోవడం వల్ల బరువు పెరుగుతారు. చాలా పండ్ల మాదిరిగానే, ద్రాక్షలో కూడా ఫైబర్ ఉంటుంది. పీచు పదార్థాలు ఎక్కువగా తినడం వల్ల మలబద్ధకం ఏర్పడుతుంది. ద్రాక్షపండులోని సాలిసిలిక్ యాసిడ్ జీర్ణ సమస్యలను కలిగిస్తుంది. ఈ రోజులో ఎక్కువ ద్రాక్ష పండ్లను తినడం వల్ల కూడా డయేరియా వస్తుంది. ద్రాక్షను ఎక్కువగా తినడం వల్ల కలిగే మరో దుష్ప్రభావం బరువు పెరగడం జరుగుతుంది. వీటితోపాటు మరికొన్నింటిని ఇక్కడ చూద్దాం..

ద్రాక్ష శరీర బరువును పెంచుతుంది

హెల్త్ లైన్ ప్రకారం, ఒకేసారి ఎక్కువ మొత్తంలో ద్రాక్ష తినడం వల్ల కేలరీలు త్వరగా పెరుగుతాయి. ద్రాక్షలో కేలరీలు ఎక్కువగా ఉంటాయి. చాలా ద్రాక్షపండ్లను తినడం వల్ల బరువు పెరుగుతారని చూపించడానికి ప్రస్తుతం ఎటువంటి దృఢమైన పరిశోధన లేనప్పటికీ, ఎక్కువ ద్రాక్షను తినడం వల్ల ప్రమాదాన్ని పెంచవచ్చు. ఎక్కువ కాలం ద్రాక్షను ఎక్కువగా తీసుకోవడం వల్ల బరువు పెరుగుతారు.

అలెర్జీ కావచ్చు

నేషనల్ లైబ్రరీ ఆఫ్ మెడిసిన్‌లో ప్రచురించిన పరిశోధన ప్రకారం, ద్రాక్షకు అలెర్జీ చాలా అరుదు. గ్రేప్ లిపిడ్ ట్రాన్స్‌ఫర్ ప్రొటీన్, ద్రాక్షలోని నిర్దిష్ట ప్రోటీన్, వ్యక్తులలో అలెర్జీ ప్రతిచర్యలకు కారణమవుతుందని కనుగొనబడింది.

కిడ్నీ సమస్య పెరగవచ్చు

నేషనల్ ఇన్స్టిట్యూట్ ఆఫ్ డయాబెటిస్ అండ్ డైజెస్టివ్ అండ్ కిడ్నీ డిసీజెస్ నుండి వచ్చిన ఒక నివేదిక ప్రకారం, దీర్ఘకాలిక మూత్రపిండ వ్యాధి, మధుమేహం ఉన్న వ్యక్తులు ద్రాక్షతో సహా కొన్ని ఆహారాలను తీసుకోవడం పరిమితం చేయాలి. మానవులలో మూత్రపిండాల సమస్యలకు ద్రాక్షపండును నేరుగా అనుసంధానించే అధ్యయనాలు లేనప్పటికీ, జాగ్రత్త అవసరం.

కడుపు ఉబ్బరం..

WebMD అందించిన సమాచారం ప్రకారం, ద్రాక్షపండులో సాలిసిలిక్ యాసిడ్ ఉంటుంది. కొన్ని పరిశోధనలు ఇది జీర్ణ సమస్యలను కలిగిస్తుందని సూచిస్తున్నాయి. చక్కెర అధికంగా ఉండే ఆహారాలు విరేచనాలకు కారణమవుతాయి. చక్కెర ఆల్కహాల్స్, చక్కెరలో ఉండే ఆర్గానిక్ సమ్మేళనాలు అతిసారానికి కారణమవుతాయని కొన్ని పరిశోధనలు సూచిస్తున్నాయి. ద్రాక్షలో చక్కెర ఆల్కహాలు ఉన్నాయో లేదో నిరూపించడానికి తగిన ఆధారాలు లేవు.

మీరు ఒక రోజులో ఎన్ని ద్రాక్ష పండ్లను తినవచ్చు?

దాదాపు 32 ద్రాక్ష పండ్లను ఒకే రోజు తినవచ్చు. మీరు ఆరోగ్యకరమైన ఆహారం తీసుకుంటే దీనిని అనుసరించవచ్చు. లేదంటే రోజుకు 8 నుంచి 10 ద్రాక్ష పండ్లను తినండి. WebMD ప్రకారం, రాత్రిపూట ద్రాక్ష తినడం వల్ల మీరు బాగా నిద్రపోతారు. ద్రాక్షలో నిద్ర హార్మోన్ మెలటోనిన్ ఉంటుంది.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని హెల్త్ న్యూస్ కోసం