Viral: సాక్షాత్తు లక్ష్మిదేవే వస్తుంది.. రోజూ ఆ దుకాణానికి గోమాత వచ్చి ఏం చేస్తుందంటే..?

ఒక కిరాణ షాపు యజమాని నిత్యం షాపు తెరవగానే పూజలు చేస్తున్నాడు. పూజ చేసిన కాసేపటికే అతని వద్దకు ప్రతి రోజు లక్ష్మి దేవి స్వరూపంగా భావించే గోమాత వస్తుంది. ఆ షాపు యజమాని ప్రేమగా పెట్టే పిండి పదార్థాలు, బెల్లం, పప్పులు తిని వెళ్తోంది. ఇలా రోజు జరుగుతున్న తంతును చూసి స్థానికులు అశ్చర్యపోతున్నారు.

ఖమ్మం జిల్లా సత్తుపల్లి మండలం బుగ్గపాడు గ్రామంలోని భాస్కర్ రావు అనే వ్యక్తి కిరాణ షాపు నిర్వహిస్తున్నాడు. యజమాని షాపులోకి ఒక ఆవు తన సొంత ఇంటిలోకి మనుషులు ఎలా వెళ్తారో..! అలానే ఆ గోమాత ఆ షాపులోకి వెళ్ళిపోతుంది. ఆ షాపు యజమాని గోమాత తినేందుకు ఏమైనా పెట్టేంత వరకు అక్కడి నుంచి కదలదు. ఎవ్వరైనా పంపించాలని చూసినా, ఆ గోవు అక్కడి నుంచి అడుగు కూడా బయటకు పెట్టదు.

హిందువులు ఆరాధ్య దైవంగా పూజించే గోమాత ను లక్ష్మి దేవి గా కొలుస్తారు. ఎవరి ఇంటికైన ఆవు వచ్చిందంటే తమ ఇంటికి లక్ష్మి దేవి వచ్చిందని, తమకు కలిసి వస్తుందని నమ్మే వాళ్ళు ఎక్కువగానే ఉన్నారు. కలిసి వచ్చినా.. రాకున్నా.. ఒక మూగ జీవికి ఆకలి తీర్చడం ఒక మంచి పనిగా భావిస్తారు. అదేవిధంగా ప్రతి రోజూ క్రమం తప్పకుండా ఆ ఆవుకు బెల్లం, పిండి పదార్థాలు, పప్పులు పెడుతూ.. ఆ గోమాతకు చాలా దగ్గర అయ్యాడు ఆ షాపు యజమాని. తన షాపు గోమాత నిత్యం రావడంతో తనకు ఎంతో సంతోషంగా ఉంటుందని, ప్రతి రోజూ బెల్లం తినిపిస్తానని, అప్పుడప్పుడు కూరగాయలు,టమాటాలు పెట్టి గోమాత ఆకలి తీర్చుతాను అని చెప్పుకొచ్చారు. ఆ…ఆవు కూడా ఎంతో ఆప్యాయతను షాపు యజమానిపై చూపుతుంది.

మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి…