72 year Old Whisky : 72 ఏళ్ల నాటి విస్కీ బాటిల్.. వేలం పాటలో ఎంతకు అమ్ముడైందో తెలిస్తే ముక్కున వేలేసుకుంటారు..

72 year Old Whisky Bottle:మనసుకు నచ్చాలే కానీ మందుబాబులు ఎంతకైనా తెగిస్తారు. తము అనుకున్నది సాధించడానికి ఎందాకైనా వెళ్తారు. తనకు నచ్చిన బ్రాండ్ కోసం ఎంతైనా ఖర్చు పెడతారు. ఇది అక్షరాల నిజం ఎందుకంటే ఓ వ్యక్తి ఓ విస్కీ బాటిల్‌ను ఏకంగా రూ.39లక్షలు పెట్టి కొనుగోలు చేశాడు. ఆశ్చర్యంగా ఉన్నా ఇది నిజం. మరి ఆ వార్తా విశేషాలు ఇప్పుడు చూద్దాం.. స్కాట్లాండ్‌కు చెందిన 72ఏళ్ల నాటి గ్లెన్‌గ్రాంట్ సింగిల్మాల్ట్ అనే విస్కీ బాటిల్‌పై హాంకాంగ్ లో వేలంపాట జరిగింది.

1948 గ్లెన్ గ్రాంట్ డిస్టిలరీ అనే కంపెనీ తయారు చేసిన విస్కీ బాటిల్‌ను రూ.39లక్షలు పెట్టి దక్కించుకున్నట్లు ఆ విస్కీ బాటిల్‌ను వేలం వేసిన బోన్హామ్స్ సంస్థ ప్రతినిధులు తెలిపారు. ఇదే వేలం పాటలో జపాన్ కు చెందిన 35ఏళ్ల నాటి హిబ్కీ విస్కీ బాటిల్ ను వేలం వేయగా ఓ మందు బాబు రూ.35లక్షలు పెట్టి కొనుగోలు చేసినట్లు తెలుస్తోంది. ఈ సందర్భంగా విస్కీ స్పెషలిస్ట్ క్రిస్టోఫర్ ఫాంగ్ మాట్లాడుతూ.. గత పదేళ్ల నుంచి మద్యం కొనుగోళ్ల విషయంలో ఔత్సాహికులు ఖర్చుకు వెనక్కి తగ్గడం లేదన్నారు. కరోనా క్రైసిస్ అయినా, ఆర్థిక మాంద్యమైనా మద్యం బాటిల్ ధర విషయంలో కాంప్రమైజ్ కావడం లేదు. అందుకు ఉదాహరణే ఈ వేలంపాట అన్నారు. మందుకున్న క్రేజ్ అంతా ఇంతా కాదని మరోసారి మందుబాబులు చెప్పకనే చెప్పారు.

యూట్యూబ్ అభిమానులకు గుడ్ న్యూస్.. త్వరలో కొత్త ఫీచర్ అందుబాటులోకి.. ప్రత్యేకతలేంటో తెలిస్తే ఎగిరి గంతేస్తారు..