గాడిదలు లేకపోతే ఆ ఊర్లు చరిత్రలో ఉండవ్.. దావాఖానాకు అవే.. దాహానికి అవే.. ఎక్కడో తెలుసా!

Villages Depends on Donkeys: గాడిదలు లేనిదే వారి జీవితం అసంపూర్ణం, ఆశ్చర్యపోకండి, ఈ విషయం 100% నిజం. మనం డిజిటల్ ఇండియా(Digital India)గా దేశం అన్ని రంగాల్లో అభివృద్ధి చెందుతున్నప్పటికీ . మన వేళ్లతో సకల సౌకర్యాలు ఇంటికి చేరుతున్నాయి. కానీ ఇప్పుడు కొన్ని చోట్ల గాడిదలు లేకపోతే దాహం తీర్చుకునేందుకు మంచి నీరు(Drinking Water) దొరకడం లేదు. ఎవరైనా జబ్బు పడితే ఆసుపత్రి(Hospital)కి వెళ్లాలంటే గాడిద ఒక్కటే మార్గం. అయితే 21వ శతాబ్దపు ఆధునిక భారతదేశంలో, పాలక నాయకులు తరచుగా చర్చించుకునే, ఈ దేశంలో ఈ పరిస్థితి ఆశ్చర్యకరంగా అనిపిస్తుంది కదూ! మనం నేరుగా మాట్లాడినట్లయితే, ఈ అభివృద్ధి, ఆధునికత విషయాలు బోలుగా ఉన్నాయి. ఎందుకంటే నేటికీ రాజస్థాన్‌(Rajasthan)లోని ఉదయపూర్ సమీపంలోని చాలా ప్రాంతాలు.. గాడిదలే ప్రజలకు ఆసరగా నిలుస్తున్నాయి.

స్థానిక మీడియా కథనాల ప్రకారం, రాజస్థాన్‌లోని ఉదయ్‌పూర్‌కు 125 కిలోమీటర్ల దూరంలో ఉన్న కొట్రా ప్రాంతంలో ఆధునిక ప్రపంచంతో సంబంధం లేని చాలా గ్రామాలు ఇప్పటికీ ఉన్నాయి. ఇక్కడ రోడ్డు, తాగునీటి వ్యవస్థ లేదు. పాఠశాలలు, ఆసుపత్రులు పరిస్థితి సరేసరి. ఇక్కడి ప్రజలు తాగునీటి కోసం కూడా పర్వతాల నుండి వచ్చే నీటి బుగ్గలు, చెరువులపై ఆధారపడతారు. ఇక్కడ చేతి పంపు లేదు. ఇక్కడ కనీసం కరెంటు కూడా లేదని గ్రామస్తులు చెబుతున్నారు.

కొట్రా ప్రాంతంలో దాదాపు 200 కుటుంబాలు గాడిదలపైనే ఆధారపడి జీవిస్తున్నాయి. ఎందుకంటే ఈ గ్రామాల్లో ప్రతి సౌకర్యం గాడిదల ద్వారానే చేరుతుంది. ఇక్కడికి నీళ్లు తీసుకెళ్లాలన్నా, ఇంటి సామాగ్రి తీసుకెళ్లాలన్నా.. రోడ్డుపై అనారోగ్యంతో ఉన్నవారిని ఆస్పత్రికి తరలించాలన్నా. అన్ని పనులకు గాడిద వారి ఆసరా. చాలా గ్రామాల్లో నేటికీ చేతి పంపులు కూడా తవ్వలేదు. కొండల కింద నీటి ఊటను నిలువరించేందుకు గిరిజనులు గుంతలు వేసి అందులో నీరు నిలిచేలా చేశారు. కుండల్లో నీళ్లు నింపి గాడిదలను తమ ఇళ్లకు తీసుకెళ్తారు. ఈ గొయ్యితో గ్రామంలోని పశువుల దాహం కూడా తీరుతుంది.

ఉదయ్‌పూర్‌లోని తిలోయ్ పంచాయతీ అంబల్, పాల్చా గ్రామపంచాయతీలోని కమర్, కరేలియా, మారెవా గ్రామాల్లో కనీస సౌకర్యాల పేరుతో రోడ్లు, నీరు, విద్యుత్ వంటి ఏర్పాట్లు చేయలేకపోతున్నారు. వీరంతా కాలిబాట గుండా ప్రయాణం చేయాల్సి ఉంటుంది. ప్రధాన రహదారిపైకి వెళ్లాలంటే కిలోమీటర్ల మేర కాలినడకన వెళ్లాలి. చీకటి పడిన వెంటనే గ్రామంలో ఎవరూ ఇంట్లో నుంచి బయటకు రాలేరు. ఇదిలావుంటే ఎన్నికల సమయంలోనే ఇక్కడ నాయకులు కనిపిస్తారని గ్రామస్తులు చెబుతున్నారు. బీజేపీ ఎమ్మెల్యే ప్రతాప్‌లాల్‌ గమేటి, కాంగ్రెస్‌ మాజీ మంత్రి మంగీలాల్‌ గరాసియా నుంచి పలువురు నేతలు ఎన్నో వాగ్దానాలు చేసినా ఎన్నికలు ముగిశాక ఒక్కరు కూడా రాలేదని గ్రామస్తులు వాపోతున్నారు.

ఇదే అంశానికి సంబంధించి పీడబ్ల్యుడీ ఎఇఎన్ విజయ్ కుమార్ మాట్లాడుతూ.. అటవీ ప్రాంతంలో ఉండడం వల్ల చాలా గ్రామాలకు రోడ్డు నిర్మాణం జరగడం లేదన్నారు. అటవీశాఖ అనుమతి ఇస్తేనే పనులు జరగాలి. అదే సమయంలో ఉదయ్‌పూర్ ఎంపీ అర్జున్ లాల్ మీనా మాట్లాడుతూ.. ఇన్నేళ్లుగా ఈ గ్రామాలను కాంగ్రెస్ పట్టించుకోలేదన్నారు. గత 7 ఏళ్లలో అక్కడ కరెంటు తీసుకువచ్చే పని చేశాం. నీరు, రోడ్లకు సంబంధించి కూడా ప్రయత్నాలు చేస్తున్నామని తెలిపారు.

Read Also…  Telangana Crime: మహిళపై వీఆర్ఏ అత్యాచారాయత్నం.. అడ్డొచ్చిన భర్త చేతివేళ్లు కొరికి